Sisimiuni kigutileriveqarfimmeersuusaarluni sianertarneq
Sisimiuni kigutilerivimmi ulluni kingullerni inniminniisimanngitsunik kigutilerisuliartoqatalerpoq. Taakku naapertorlugit normumit isertuussamit sianerfigineqarsimapput ingerlaannarlu kigutileriviliaqquneqarlutik.
Taama sianertarnerit ernumanaataat pingaarneq tassaavoq ataatsip kigutilerivimmukartinnani nipaallisaatinik Pamolinik iioraaqquneqarsimanera, tamannalu inuunermut navianaateqarsinnaavoq.
Sianersimanerit Sisimiuni politiinit misissorneqarput innuttaasunullu taama sianertut maluginiaqquneqarput. Tamatuma peqatigisaanik Peqqinnissaqarfiup normumit isertuussamiit sianertannginnera erseqqissaatigineqassaaq.
Nalunaarut una pillugu annertunerusunik paasissutissinneqarusuttut ugguuna Peqqinnissaqarfiup qullersaqarfianut saaffiginnissapput: Sundhedsledelsen@peqqik.gl.