Paasissutissat
Nerisarnermi ileqqut inuunermi siusissukkut tunngavilerneqartarput. Angajoqqaatut akisussaaffigaat meeqqavit peqqinnartunik nerisarnissamik ileqqoqarnissaa. Meeqqannut maligassiuisussaavutit, taamaattumik ajornannginnerpaassaaq illit nammineq peqqinnartunik nerisaruit. Meeqqat angajoqqaamissut iliukkajuttarput. Taamaattumik meeqqat ikiussavat illit nammineq nerisavit suuneri isummerfigisarukkit. Maligassiuisuuneq oqinnerussaaq meeqqavit pitsaasumik ineriartornissaminut nerisassat suut pisariaqartinnerai nalunngikkukkit.
Meeqqat inuusuttullu assigiinngitsorujussuupput, ataaserli ataatsimoorussaraat. Timimik aalatittarnissaa peqqinnartunillu nerisarnissartik pisariaqartippaat.
*Meeqqat inuusuttullu assigiinngissitaartunik kalaallit nerisassaataannik nerisarnissaannik kaammattorneqarput, taamaattorli pingaartumik nannut, arferit kigutillit, timmissat imarmiut puisillu utoqqaanerusut neqaat tunuarsimaarfigineqassapput. Neqit tamakku assersuutigalugu aalisakkanik miluumasunillu nunamiunik, soorlu tuttut, umimmaat kiisalu savat Kujataaneersut neqaannik taarserneqarsinnaapput.
Neqeroorut
Meeqqat misissortinneranni peqqinnissaqarfimmi sulisup meeqqannik misissuisup nerisassat pillugit oqaloqatiginissaanut periarfissaqarputit.
Nammineq (angajoqqaatut) qanoq iliuuseqarsinnaavunga
Angajoqqaatut ilaqutariiullusi ileqqusi eqqarsaatigilluarsinnaavatit. Ullaakkorsiornissarsi piffissaqarfigisarpisiuk? Unnukkut eqqissisimaaqatigiinnissinni suut nerrivimmiittarpat, chipsit imaluunniit paarnat? Nerinermi suut iggisigisarpisigit, imeq immullu, imaluunniit safti colallu? Sunngiffissinni timersi aalatittarpisiuk imaluunniit fjernsynimi filminik isiginnaartarpisi? Illit angajoqqaatut peqqinnartunik aalajangiinikkut meeqqat inuusuttullu peqqinnartumik inuuneqarnissaannut aqqutissiuuttussaavatit.
Qanigisat
Nerisaqarnermut innersuussutit qulit malillugit inuunissamut ilaqutariittut iliuuserisinnaasasi amerlaqaat.
• Nerisarnermi ileqqorisatit niuerniarnermi aallartittarput. Peqqinnartunik pisisarit.
o Assersuutigalugu sapaatip akunneranut nerisassasi pilersaarusiortakkit, immaqa ilaqutariit tamarmiullusi, tassanilu sutornissasi pilersaarusiorlugit. Ilutigisaanik niuerniagassat allattukkit, taamaalillusi atugassasi eqqortut pisiariniassagassigik.
• Meeqqatit peqatigalugit igasarit
o Meeqqat ilarpassuinut igaqataaffigisimasamik nerinissaat nuannernerusarpoq. Taamaattumik unnukkorsiutissanik iganermi meeqqatit igaqatigisakkit. Taamaalillutik aamma peqqinnartunik nerisassiorneq ilikkassavaat. Aamma ilaqutariittut peqatigiinneruvoq nuannersoq.
SIUNNERSUUTIT PEQQINNARTUT
Meeqqanut 4-10 ukiulinnut nerisarisat aalanissarlu pillugit.
Angajoqqaanut, meeqqerivinnut atuarfinnullu ilitsersuutit
Meeraaqqat naartusullu
Nerisaqarneq - Meeraaqqat naartusullu
Nerisaqarnermik innersuussutit qulit
Innersuussutit qulit pillugit
Saaffiginninnissamut paasissutissat
Peqqinnissaqarfimmi attavissat