Peqqinnissaqarfik Avannaani Covid-19-imut akiuussutissiineq
Nappaammut Covid-19-imut nuna tamakkerlugu akiuussutissiinermut atatillugu illoqarfinni minnerusuni nunaqarfinnilu akiuussutissiinermi Peqqinnissaqarfik Issittumilu Sakkutooqarfik suleqatigiipput.
Sap. ak. siuliani Upernavimmi nunaqarfiinilu – kujammut Upernavik Kujallermiit avannamut Kullorsuaq tikillugu 2000-it missaannik inulimmi Moderna atorlugu akiuussutissiineq siulleq ingerlanneqarpoq.
Marlunngornermi ualikkut suleqatigiit Nuummeersut, Ilulissaneersut Upernavimmeersullu kapuutissat 550-it missaat Upernavimmi aallarniutigaat. Umiarsuaq alapernaarsuut Knud Rasmussen inuttaalu peqatigalugit siullermik avannamut nunaqarfiit Nuussuaq Kullorsuarlu uniffigalugit angalasoqarpoq. Tamatuma kingorna kujammut nunaqarfiit sinnerinut arfininngornermilu unnukkut ornigarneqarluartumik Upernavimmi naggaserlugit.
Ininik pitsaasunik atugassiinissaq kommunimit isumagineqarpoq. Inuit akunnerminni attaveqatigiittarfiisigut tusatsiakkanik ingerlaartoqangaatsiarmat, akiuussutissiiniarneq neriuutaasumiit iluatsilluannginneruvoq. Akiuussutissinneqarniat 50 - 60%-it missaanniipput. Taamaakkaluaq maanna Upernavimmi nunaqarfiinilu amerlanerpaat maanna Covid-19-imut akiuussutissinneqarsimalernerat paasinarsivoq.
Issittumi Sakkutooqarfik Avannaatalu Kommunia suleqatigiilluarneq pillugu
Peqqinnissaqarfimmiit qutsavigineqarput