Peqqinnissaqarfimiit killiffik pillugu paasissutissiineq - Kigutileriffiit Nuup avataaniittut poorskip kingorna ammassapput. Nakorsartikkiartorsimasut angerlamut angalanissaat suli kinguartooruteqarput.
Kigutileriffiit Nuup avataaniittut apriilip 15-iat aallarnerfigalugu nalinginnaasumik ingerlaqqilissapput.
Kiffartuussinerit tamarmik pineqarput, atuarfinni kigutileriffiit ilanngullugit. Aggersaanissalli assigiinngitsullu peqqutaallutik salitsinnerit 6. kl.-inullu ilinniartitsinerit aatsaat ataasinngorneq apriilip 27-at ingerlanneqalissapput. Inuit quersortut/kissarnillit/toqqusaarluttut angerlarsimaannassapput aatsaallu akunnerit 48-rut ersiutinik atuisimanngikkunik saaffiginnissinnaallutik. Nalinginnaasumik ammasarfiit atorlugit kigutileriffinnut oqarasuaatikkut saaffiginnittoqarsinnaavoq, saaffiginniffissallu Peqqik.gl/kontakt -imi takuneqarsinnaapput.
Nakorsartinnerup kingorna angerlarneq
Peqqinnissaqarfimmi pisut ilaat nappaammit tuniluuttorsuarmit Coronavirusimit sunnerneqarsimanatik ingerlanneqaannarput. Taakkunanilu pineqartut tassaapput nappaassuarmut kræftimut misissortinnerit katsorsartinnerit allallu nappaatit perulunnartut kiisalu pinasugassat. Nuummit aallarsinnaaneq killeqarnera peqqutaalluni nakorsiat nakorsartissimasut angerlarnissartik Nakorsiat angerlarsimaffianni illoqarfimmiluunniit inissiisarfinni allani utaqqeqqaartariaqarpaat. Sulisut nakorsianik sulisunillu angallassinissamut suliassanik ulapputeqarput. Taamaattumik peqqinnissaqarfimmit nakorsiat naammagittalaaqquagut. Timmisartumi inissaqaleriarmat nakorsiat saaffigineqartarumaarput. Peqqinnissaqarfimmit sulisut nakorsiat aallarnissaannut ullut marluk sioqqullugit saaffigineqartarumaarput, nakorsiammit tamarmik COVID-19-imut misissorteqqaartariaqarmata.
Peqqinnissaqarfimmit nakorsiat suleqatigisartakkallu piffissami kingullermi qutsavigingaarpagut poorskisiorluarnissaannillu kissaallugit.