Allornerit Atuarfimmi skiimami
Nuummi atuarfinnit klassit sisamat piareersaatitut suliniummut taaneqartumut “Skole-Skridt” peqataasimapput, tassani aalaaneq peqatigiinnerlu atuarnerup nalaani qitiutinneqarput. Atuartut peqataasut tamarmik allornernut kisitsimmik ullut tamaasa sapaatip akunnerini marlunni atugaqartussaallutik.
Ajugaasullu tassaapput Kangillinnguit Atuarfianit 6b. Assi: Peqqissutsimut Naalakkersuisoqarfik.
Piareersaatitut suliniummut Peqqissutsimut Naalakkersuisoqarfik Inuunerissaasullu piareersaatitut suliniummik suliarinnittuupput. Siunertaavoq pilersaarut nuna tamakkerlugu atorneqarnissaa. Peqqissutsimut Naalakkersuisup, Doris Jakobsenip klassini peqataasunit toqqarpai ajugaasut, allornerit 10.000 sinnerlugit ullormut allorarsimasut. Ajugaasullu tassaapput Kangillinnguit Atuarfianit 6b.
-”Nalunngilarput meeqqat timiminnik aalatitsinerusut ineriartorluarnerusarput atuarfimmilu ingerlalluarnerullutik. Inuuneritta II-mi anguniagaavoq akunneq ataaseq timimik aalatitsineq skiimami ilaassasoq. Piareersaatitut suliniut ”Skole-Skridt”-ip anguniagaq tapersersorpaa ersersillugulu assigiinngitsorpassuartigut atuarnerup nalaani ullukkut assigiinngitsorpassuartigut timimik aalatitsisoqarsinnaasoq,” oqarpoq Peqqissutsimut Naalakkersuisoq, Doris Jakobsen.
Piareersaatitut suliniutip tunuliaqutaraa ilisimatusarnikkut misissuinerit takutitsinerat allornernik kisitsisit atortaraanni timimik aalatitsinissamut piumassuseqarnerulersarneq taamaasillunilu inuit pisarnertik sinnerlugu pisukkumanerulersarmata.
Suliniummut malitsigitillugu ilinniartitsisut tamanna pillugu apersorneqarsimapput ilaanerminni misigisartik pillugu. Ilinniartitsisut oqaaseqarnerisa takutippaa ilinniartitsisut atuartullu piareersaatitut suliniut pitsaasutut nalilersimagaat. Ilinniartitsisoq ataaseq oqarpoq:
- ”Assorsuaq pitsaavoq. Atuartut aalanerusimapput. Assersuutigalugu atuartut kissaatigisarsimanngilaat pisuttuassasugut. Massakkut taamaaliorusupput. Assorsuaq perusupput”.
Annerusumik paasissutissanik perusukkuit attavigisinnaavat Naalakkersuisup allattaa Rosa Thorsen oqarasuaatikkut +299 55 33 03 imaluunniit e-mail: rosat@nanoq.gl.