Assi: Ulrik Bang

Peqqissutsimut Naalakkersuisup Doris Jakobsenip assut pingaartippaa Kalaallit Nu-naanni ukioq manna peqqinnerulernissamut suliniuteqarnermi aningaasaliissutit inuiaqatigiinnut minnerusunut atorneqarnissaat taamaaliornikkullu sapinngisamik amerlanerpaat anguneqaqqullugit.

"Nunatsinni innuttaasut peqqinnerulernissaannut tamatta peqataaffigerusutatsinnut sumiiffinni suliniutit pitsaasut amerlasuut ukioq manna aningaasaliiffigisimagatsigit nuannaarutigeqaara. Pingaartumik Illoqarfinni nunaqarfinnilu minnerusuni, immaqa illoqarfinni anginerniittutulli neqeroorutinik aaqqissuulluagaatigisunik amerlasuunik peqanngikkaluartoq, Kattuffinnit namminersortunillu piumassuseqarluartunit qinnuteqaatit aningaasaliiffigisinnaanerat assut nuannaarutissaavoq." Peqqissutsimut Naalakkersuisoq, Doris Jakobsen oqarpoq.

Suliniutini ukioq manna aningaasaliiffigineqartuni ilaatigut nerisarissaarneq, timersorneq kiisalu aalakkoornartunik hashimillu pinaveersaartitsineq sammineqarput. Suliniutinut 34-nut assigiinngitsunut katillugit 350000 koruunit  tunniunneqarput. Suliniut aalajanger-simasut eqqaaneqarsinnaasut ilai tassaapput:

•    Nanortalimmi, Sisimiuni Qaqortumilu meeqqanut ineqarfiit peqqissumik inooriaa-seqarnermik sammisallit.
•    Aasianni, Attumi, Illorsuarni, Ilulissani, Kangaatsiami, Maniitsumi, Nuummi, Qasigiannguani, Qeqertarsuarmi,  Upernavimmi, Uummannamilu nerisaqarneq timersornerlu pillugit meeqqanut inuusuttunullu aaqqissuussat assigiinngitsut.
•    Qaqortumi silami arsaattarfeeraq
•    Qaanaami Arctic Winter Games-eeraq

Inuuneritta puljemut qinnuteqarfissaq tulleq tassaassaaq apriilip aallaqqaataa 2017. Qarasaasiatigut qinnuteqarnermut immersugassaq, qinnuteqarnermut piumasaqaatit puljemullu paasissutissallu allat aamma innuttaasut peqqinnerulernissaannut pilersaarusiaq Inuuneritta II www.peqqik.gl-imi nassaarisinnaavat.

Inuuneritta Pulje 2016 pillugu paasissutissat:
-    Inuuneritta Pulje 2016 peqqinnerulernissamut pinaveersaartitsinermullu suliniuti-nut assigiinngitsunut 34-nut 350000 koruuninik agguaasimasoq.
-    Peqqissutsimut Naalakkersuisoqarfik suliniuteqarnissamut qinnuteqaatinik pitsaasunik 43-nik tigusaqarsimavoq kisiannili soqutiginnittorpassuarni amerlasuut aningaasaliiffigineqarsinnaasimanngillat suliniutinilu akuerisani ilaani aningaasat qinnuteqaatigineqartut tamakkerlugit tunniunneqarsinnaasimanatik.
-    Suliniutit ukioq manna isiginiarneqartut tassaapput Meeqqat, inuusuttut ilaqutariillu peqqissusaannik pingaartumillu  nerisaqarnermik timersornermillu sammin-nittut. pingaartinnerullugit, suliniutit ukioq manna pingaartinneqarput.
-    Ukioq 2016-i meeqqanut ukioritinneqarpoq taassumalu saniatigut inuit peqqin-nerulernissaannut pilersaarusiami Inuuneritta II-mi nerisaqarneq ukioq manna suliniutigineqarpoq.

Paasisaqarnerorusukkuit Naalakkersuisup allattaa Rosa Thorsen mobilikkut: +299 55 33 03-kkut imaluunniit e-mailikkut: rosat@nanoq.gl-ikkut attavigiuk.