PAASISSUTISSAT
Imigassaq Ikiaroornartullu pillugit Siunnersuisoqatigiit kaammattuutigaat meeqqat inuusuttullu 18-it inorlugit ukiullit imigassartunngilluinnassasut.
Inuusuttut 18-it inorlugit ukiullit imigassamik pisiffiginerat, tuniniaaffiginerat sassaalliuteqarfiginerallu inerteqqutaavoq. Taamaakkaluartoq inuusuttut 18-it inorlugit ukiullit ilaat imigassartornermik misile-raasarput.
Imigassap mianersuulluinnarnissaanut pissutissaqarluarpoq. Imigassap naliliisinnaassutsit appartittarpaa, aamma kingusinnerusukkut peqqissimissutigisannik aalakoorlutit iliuuseqarsinnaavutit. Assersuutigalugu imigassartornermi atoqateqarnissamut naaggaarnissat sapernartissinnaavat, ajutooriataarsinnaavutit imminulluunniit ajoquserlutilluunniit allanik ajoqusiisinnaavutit. Siunissaq ungasinnerusoq eqqarsaatigalugu an-nertuumik imigassamik atuinerup timit ajoqusersinnaavaa.
Erngunneq imeriaasiuvoq ajoqusiinerpaasartoq. Erngunneq tassaavoq unnummi ataatsimi najoqqagassanik sisamanit amerlanerusunik imerneq.
NEQEROORUT
Ilaasa imertarunnaarnissaq sapernartissinnaavaat. Imertarunnaarnissat sapernartikkukku pingaaruteqarpoq sapinngisamik piaarnerpaamik sullissisunnut saaffiginninnissat imaluunniit Allorfimmut, pinngitsuuisinnaan-nginninnut katsorsaasinnaasumut, attaveqarnissat. Ullumikkut innuttaasut 18-it sinnerlugit ukiullit kisimik katsorsarneqarsinnaapput. Allorfinnili innuttaasunut 18-it inorlugit ukiulinnut killilimmik neqerooruteqar-poq.
Kalaallit Nunaanni najugaqartut tamarmik akeqanngitsumik pinngitsuuisinnaannginnermut katsorsarneqar-sinnaapput.
Allorfik ugguuna attavigisinnaavat 52 53 43, piffissami 09:00-imiit 15:00-imut, imaluunniit mailikkut allorfik@allorfik.gl.
Illoqarfinni Allorfilinni (Qaqortumi, Nuummi, Sisimiuni Aasiaanni aamma Ilulissani) ornigullutit saaffiginnissinnaavutit nal. 9-15.
Allorfiup nittartagaani paasisaqarnerusinnaavutit uani www.allorfik.gl
MIO
Takuuk www.MIO.gl
1899 – SMS-ikkut siunnersorneqarneq
Nuna tamakkerlugu Meeqqanut Inuusuttunullu SMS-ikkut attavissaq akeqanngitsoq – inersimasumik siunnersuisinnaasumik allaqateqarit.
Ammasarpoq: Ataasinngorneq – tallimanngorneq 16 – 18
NAMMINEQ QANOQ ILIUUSEQARSINNAAVUNGA
Inuusuttut ilaat, tamarmiunngitsulli, suli 18-inik ukioqalernatik imigassamik aalakoornartumik imilertarput. Eqqarsarnarsinnaavoq «kikkut tamarmik imertartutut», kisianni taamaattariaqanngilaq. 2014-imi meeqqat atuarfianni misissuinerup (HBSC 2014) ersersippaa 16-inik ukiullit 74 procentii aalakuunngisaannarsimasut.
Imaassinnaavoq misigisutit akuerineqarumallutit festernermi imigassartortariaqarlutit. Ilumoortorli tassaa-voq amerlanerit imerpallaarsimanngikkaluarlutik imerujussuarnerartartut.
Imernissamut tatineqarneq qanoq qaangissavara?
•Siullertut pingaarnertullu naaggaarnerup ajunngilluinnarnera eqqarsaatigissavat
•Ikinngutit ataaseq arlallilluunniit imerusunngitsut ililiutikkit. Arlaliugaanni naaggaarnissaq ajornannginne-rusarpoq
•Nammineq imeruarsaatinik - sodavandimik juicemilluunniit - nassarit, taava imigassamik neqeroorfigine-qarnissat ilimanannginnerussaaq
•Festernermi arlaannik sammisaqartuarit. Qitigit, angalaarit inuillu assigiinngitsut oqaloqatigalugit
•Sooq iminnginninnik aperineqaruit akissutissannik piareersaagit - «Sooq illit imerpit?» imaluunniit «Imersi-matillunga qisuariartaasera nuannarinnginnakku imernangalu iluarigakku»
Imigassartoruit aalakuulerlutillu pitsaassaaq angerlarninni kisimiillutit pisunnak angerlamut ikinngutitit ingiaqatigigukkit. Immissinnut paarillusilu ikioqatigiigitsi.
Imigassamik atuinerit aqussinnaajunnaarsorigukku pingaaruteqarpoq allanik tamanna pillugu oqaloqateqar-nissat. Pitsaassaaq inersimasumik tatigisannik oqaloqateqarnissat. Ilinniartitsisoq, perorsaasoq, angajoq-qaatit, peqqissaasoq, nakorsaq kommunimiluunniit sullissisoq ikiorneqarnissamik pisariaqartitsininni ilinnik tapersersuisinnaasoq oqaloqatigisinnaavat.
QANIGISAT:
Imigassap ajortumik sunniuteqartarneranut tunngatillugu inuusuttut qajannartuupput. Inuusuttut ilikkar-sinnaanerat, timikkut peqqissusaat inooqataaniarnikkullu pisinnaasat annikillisarput imigassamillu pinngi-tsuuisinnaajunnaarnissamut aarlerinartorsiornerat annertunerulluni. Inuusuttut aalakoortut ajutoornissaat, akerleriissuteqarnissaat, atuarfimmiit qimaanissaat kissaatiginngisaminnillu atoqateqarnissaat ilimanarne-rusarpoq.
Qitornap inuusuttuaranngornera angajoqqaanut amerlanertigut unamminiarnartarpoq. Kisianni tamanna aamma qitornannut unamminarnarpoq. Angajoqqaatut qitornap aliikkutaqarnissaa ikinngutigilluakkanillu nuannisaqateqarnissaa kissaatigineqartarpoq, kisianni aamma qitornaq imigassap aanngajaarniutillu allat sunniutaannut ajortunut illersorusunneqartarpoq.
Angajoqqaat amerlasuut misigisarput meeqqap piumasamisut iliortinnera asanninnermut isumassuiner-mullu takussutissaasoq. Imigassamulli tunngatillugu meeqqap ilitsersorneqarluarnissani pisariaqartippaa.
Meeqqat imigassamut NAAGGAAQQULLUGU qanoq tapersersorsinnaaviuk:
•Meeqqat inuusuttullu 18-it inorlugit ukiullit imigassamik sassaalliuteqanngisaannarit
•Meeqqavit imigassamik iminnginnissaanik naatsorsuuteqarnerit ersersiguk
•Meeqqat imigassamik iminnginnissaanik isumaqatigiissuteqarfigiuk
•Meeqqatit najuutsillugit najoqqagassat ikittuinnaat imertakkit
•Illit allalluunniit aalakoornerat meeqqannut takutinngisaannaruk
•Imigassat angerlarsimaffissinni nuisateqinagit
•Meeqqat inuusuttullu imigassamik tuninngisaannarlugillu pitsinngisaannakkit
•Meeqqat imigassaq pillugu oqaloqatigiuk
Meeqqat imigassartaqanngitsumik ikinngutit qanoq nuannisaqatigineqarsinnaanerat pillugu oqaloqatigiuk. Eqqartorsiuk qanoq imigassaq pitsaasunik ikinngutitaarnissamut peerartaarnissamullu periarfissanik akor-nusiisinnaasoq. Amerlanertigut meeqqat inuusuttullu nalusarpaat:
•Inooqataaniarnikkut ajorsaarinerit inuusuttut akornanni amerlanertigut ingerlanneqartartut paasinissaan-nut imigassaq ajoqutaasartoq
•Imigassaq peqqissimissutigisamik oqaaseqarnissamik iliuuseqarnissamillu ilimanarnerulersitsisartoq
•Imigassaq nukissamik allanullu qanilaartuunissamik annikillisitsisartoq
•Nuannaarnermi, timersornermi, nipilersuutinik tusarnaarnermi qitinnermilu qarasaq "aalakuulernartunik" endorfiniliortartoq. Tamanna aalakoornartup kingunipiluinit sunnersisimanani aalakoornermut assersuunneqarsinnaavoq.
Imernerup nuannernerpaaneranik eqqortutuaaneranillu oqartartunik meeqqat naapitsinissamut piareer-saruk. Inuusuttut ikinngutimittut ittuunissartik pingaartilluinnartarpaat. Imernissamut tatisineq annertooru-jussuusinnaavoq, naaggaarnissamullu piareersimanngikkaanni imernissamut tatineqarnermi akuersiinnar-nissaq ajornannginnerulertarpoq. Allat imertarpata meeqqavit naaggaarnissaq sapernartissinnaavaa. Taamaattumik qanoq ajornannginnerpaamik imernissamik tatineqarnissaq nigorsimaneqarsinnaasoq meeq-qallu eqqartorsiuk.
Meeqqat malittarisassiuuguk
•Festerneq imigassartornerlu pillugu angajoqqaat allat suleqatigalugit malittarisassiornikkut Inuusuttut ileqqorineqartussanik assigiinnik piumaffigineqarnertik ajornannginnerutissavaat
•Meeqqat pisariaqalissappat oqaloqateqarnissamik, qanilaarnermik ikiuinermillu neqeroorfigineratigut
•Meeqqat "angerlarfissamik", angerlaanneqarnissamik il.il. isumaqatigiissuteqarfigineratigut. Isumaqatigiissutit amerlanertigut malittarisassianit nakkutilliinermillu pitsaanerusarput.
Inatsisit
18-it inorlugit ukioqaraanni niuertarfinni imigassarsisinnaaneq inerteqqutaavoq. Niuertarfiit aamma angajoqqaat akisussaaffigaat inatsisit unioqqutinneqannginnissaat.
ATTAVISSAT
www.allorfik.gl
Peqqinnissaqarfik
ILANNGUTASSIANUT ALLANUT INNERSUUSSUTIT
Qitornat imigassamut, tupamut aamma ikiaroorniutinut illersoruk