Maannakkorpiaq oqarasuaatinut attaveqaatit nuna tamakkerlugu kipisaqattaarput, taamaammallu peqqinnissaqarfimmut oqarasuaatikkut attaveqarniarneq ajornakusoorsinnaavoq.

Taamaammat peqqinnissaqarfiup kaammattuutigerusuppaa pinasuartumik peqqinnissaqarfimmiik ikiorserneqarnissamik pisariaqartitsisut peqqissaavimmut qaninnermut orniguteqqullugit, sianerluni attaveqarneq ajornakusoorpat.
Kisianni Upernaviup peqqissaavianut ornigussinnaaneq suli killeqarpoq.
Nammineerlutit peqqissaavimmut ornigussinnaanngikkuit peqqinnissaqarfiup kaammattuutigerusuppaa, affarliit, ilaquttat allalluunniit ikiortisereqqullugit.

Aammattaaq peqqinnissaqarfiup kaammattuutigerusuppaa, innuttaasut tamarmik napparsimasunik utoqqarnilluunniit ilaqutaqarunik nalunngisaqarunilluunniit eqqumaffigeqqullugit attaveqarfigalugillu, ikiortissamik pisariaqartitsisinnaammata.