Coronamut akiuussitissinneqarsimaneq pillugu paasissutissanik danskit tamatumunnga uppernarsaataannut ilanngussinissamut kiffartuussineq Kalaallit Nunaanni Peqqinnissaqarfimmit neqeroorutaanngilaq
Coronamut akiuussutissinneqarsimanermut uppernarsaat pillugu aaqqissutissamut tunngatillugu Nunatsinni Peqqinnissaqarfimmut saaffiginnittut imaaginnavipput. Tamanna oqarasuaatikkut kiffartuunneqarnissamik utaqqisunut ilungersunartorsiortitsivoq innuttaasullu saaffiginnittut sivisunerusumik utaqqisariaqarnerannik kinguneqarluni.
Innuttaasut
uani Sullissivimmi, nunatsinnut angalaneq pillugu nalunaarummik eqquutitsisoq aqqutigalugu coronamut akiuussutissinneqarsimanermut uppernarsaammik pissarsiniarsinnaanerat Peqqinnissaqarfimmit innersuussutaavoq
Namminersortut arlallit coronamut akiuussutissinneqarsimanermut uppernarsaat tunngavigalugu akiliuteqarnikkut paasissutissanik danskit coronamut akiuussutissinneqarsimanermut uppernarsaataannut ilanngussinissamut qarasaasiakkut kiffartuussinernik neqerooruteqarput.
Tamatuma peqatigisaanik danskit coronamut akiuussutissinneqarsimanermut uppernarsaataannut tunngatillugu aaqqiissutissamik eqaannerusumik nassaarnissaq suliniutaavoq, taannalu piareerniariarpat avammut nalunaarutigineqassaaq.
Nalunaarut una pillugu saaffiginnissutit uunga innersuunneqarput: Sundhedsledelsen@peqqik.gl