Napparsimmavimmi klovni Miki naggataarpoq
Napparsimmavimmi klovni Miki marlunngornermi juunip ulluisa 29-ianni Dronning Ingridip Napparsimmavissuani klovnitut meeqqanik uninngasunik aliikkusersuisutut naggataarpoq. Klovni nuannaartoq taanni ukiuni kingullerni 13-ini meeqqanut uninngasunut napparsimasunullu allanut nuannaartitsisuuvoq qungujutitsisuullunilu.
Miki – qungujulaartoq tassaasoq Vivi Wennerfeldt – meeqqat ilaqutaasullu sanngiiffiini ikiuullunilu tapersersuisuusimavoq ukiunilu taakkunani Napparsimmavissuarmi sunniuteqarsimaqaluni. Peqqinnissaqarfiup sulinera pillugu qutsavigaa siunissamilu ajunnginnerpaamik kissaallugu
Klovnip Mikip ukiuni 13-ini annertuumik suliaqarsimanera klovnillu taassuma nuannaartup pinnguarnikkut qiimmassaanikkullu napparsimmavissuami meeqqanut uninngasunut ilaqutaasunullu nuannaalersitsisarnera pillugu Peqqinnissaqarfimmi pisortap Joanis Erik Køtlumip marlunngormat qutsavigaa.
Nalunaarut una pillugu saaffiginnissutit uunga innersuunneqarput: Sundhedsledelsen@peqqik.gl