vælg et emne
... sammisaq toqqaruk

Peqqinnissaqarfiup peqqissaaviini tamani uninngasunut internetsikkut attaveqaat

12-07-2019

Maanna uninngasut tamarmik nakorsartinnerminnut atatillugu illoqarfinni najukkaminni peqqissaavimmi, qitiusumik napparsimmavimmi imal Nuummi Napparsimmavissuarmi, ilaquttanik qanigisanillu allanik attaveqateqarnissamut Peqqinnissaqarfiup silaannakkut internetsikkut attaveqaataanik atuinissamut periarfissaqalerput.

- Peqqinnissaqarfiup ukiuni kingullerni- pingaartumik Nuup avataani attaveqaatinik attaveqatigiinnermullu atatillugu inerisaanerit aningaasaliiffigai. Teknologip nutaaliaasup Peqqinnissaqarfimmut nutaaliaasumut naapertuuttup atuutilernerata atortorissaaruteqalernerullu kingunerisaanik aalaakkaasumik ingerlatsinissaq anguniagaasimasoq, qarasaasiarsornermi pisortaq Søren Christensen oqaluttuarpoq.

Peqqinnissaqarfimmi uninngasut piffissami ataatsimoortunit immikkoortutut misigiffiusinnaanermi qanigisaminnut attaveqarsinnaanissaminnut periarfissaqarnissaat uninngasunut internetsip qulakkeerpaa. Tamatuma peqatigisaanik uninngasoq ullormut pisassaminik allanik oqarasuaammiit angallattakkamiit internetsikkut attavilimmiit suliarineqarsinnaasunik isumaginnissinnaassaaq.

Uninngasunut internetsimik atuisinnaanissamut paasissutissat sukumiinerusut pissarsiariniarukkit najukkanni peqqissaavimmi sulisut attavigikkit.

Kiffartuussineq nutaaq Peqqinnissaqarfiup peqqissaaviini nunatsinni illoqarfinni 18-ini tamani atuuppoq.

Attavissaq: Paasissutissanik sukumiinerusunik pissarsiniarnermi Peqqinnissaqarfimmi qullersat e-mailikkut: sundhedsledelsen@peqqik.gl. attavigineqassapput.