Henning Sloth Pedersenip toqukkut qimagussimaneranik tusarlerneqarnera aliasuutigaara.
 
Henning Sloth Pedersen nakorsaavoq pikkorissoq ilisimatuujullunilu nunarsuaq tamakkerlugu akuerisaasoq. Inussiarnersuuvoq, saamasoq alaatsinaattorlu toqussi tikillugu Kalaallit Nunaat pillugu sullissisoq.  

Nakorsatut ilisimatuutullu ukiorpassuarni sulinermini ilisimatusarnikkut allaaserisanik 100-nit amerlanerusut allallugillu allaqataaffigai. Henning pingaartumik nunani issittuni nerisaqarnermut avatangiisillu qanoq sunnerneqarnerannut tunngatillugu pingaarutilinnik ilisimasassanik tunniussisimavoq. Ilisimatusarneratigut Kalaallit Nunaat ilisimaneqarnersippaa.

Immaqa kalaallit nerisassaataat 1979-imiilli soqutigisarilerpai, taamani Henning Sloth Pedersen Qaarsuni ilinniartitsisutut suliniarluni Kalaallit Nunaannut tikippoq. Qaarsuni Henning kalaallit oqaasii ilinniarpai kalaaliminernillu taamanili nerisarilerlugit.

Tamanna inuunermi sinnerani Kalaallit Nunaannik pimoorussilernerminut aallarniutigivaa. Danmarkimi nakorsatut naammassereerluni Henning Kalaallit Nunaannut uterpoq ukiorpassuarnilu kalaallit peqqinnissaqarfianni sulilluni.

Henning Sloth Pedersen aamma Århus Universitet-imi Institut for Folkesundhed-imi lektoritut ilinniartitsisuuvoq. 

2018-imi juunip 22-anni Henning Sloth Pedersen saqqarmioq Nersornaat sølviusumik saqqarmiulerneqarpoq. 

Henning Sloth Pedersenip eqqaaneqarnera ataqqinartuuli. Henningip ilaqutai qamannga pisumik misiginneqatigingaarpakka.


Inussiarnersumik inuulluaqqusillunga

Doris J. Jensen