Tarnip pissusaanik ilisimasalik pineqartoq Dronning Ingridip Napparsimavissuani atorfeqarsimammat, psykiatrisk afdeling-imi katillugit sapaatit akunnerini 9-ni 2005-2006-imi. Sapaatit akunneri tassaapput: 41, 42, 49-52 2005-imi aamma sap.ak.1, 4-5  2006-imi.

-”Napparsimasut ilaqutaasullu akornanni pisup matuma apeqquteqarfigerusunneqarnera paasisinnaavara. Pisumut matumunnga tunngatillugu ernumassuteqartoqartut toqqissisimanngitsulluunniit, nappaatip oqaloqatigiissutiginissaa pillugu peqqinnissaqarfimmut saaffiginneqqullugit kajumissaarusuppakka”, peqqissutsimut Naalakkersuisoq Martha Lund Olsen oqarpoq nangillunilu:

-”Qujanartumik kukkusumik nappaammik suussusersisoqarsimappat kukkusumilluunniit nakorsaasiisoqarsimappat, tarnikkut nappaatillit tamarmik nakorsanit immikkut ilisimasalinnit, peqqissaasunit sundhedsassistentinillu akuttunngitsunik takuneqartarmata, paasilertorneqarsimassasoq, peqqinnissaqarfik naliliivoq. Nakorsaanerup tarnikkut nappaatinik immikkut ilisimasallip kisimiilluni nakorsaanngisaannarnera napparsimasullu peqqinnissakkut sullissisunit allanit nakkutigineqartuarnerat, erseqqissassalluguttaaq pingaaruteqarpoq.”

Nunatsinni Nakorsaaneqarfik nakkutilliissuutitaasoq pisumik tamatuminnga ilisimatinneqarpoq. Peqqissutsimut Naalakkersuisumut qanoq inassuteqateqarnissap naliliiviginissaa siunertaralugu, Nunatsinni Nakorsaaneqarfik, nakorsap pineqartup Dronning Ingridip Napparsimmavissuani sivikitsuaqqanik taartaagallartarnera pillugu, qulaajaalluni aallartippoq.

Pisoq tunngavigalugu illit nappaatit pillugu oqaloqatiginnikkusukkuit, illoqarfigisanni peqqissaavik attavigisinnaavat.

Suli paasisaqarusukkuit nakorsaaneq Anne-Marie Ulrik  tlf: +299 34 43 00 imaluunniit e-mail: amu@peqqik.gl attavigineqarsinnaavoq.