Naammagittaalliunnginnerni
Peqqinnissaqarfimmi suliaritereernerpit kingorna apeqqutit saqqummersinnaapput.
- Sooruna nakorsaq taamatut iliortoq
- Suliaritereernerup kingorna nalinginnaava taamaattoqarnissaa
- Suliaritinneq allatut ingerlanneqarsinnaasimava?
Apeqqutit paatsuungassutaasinnaapput, kamaammertillutit nikallortillutilluunniit.
- Suliaritinnerit naammagisimanngikkukku oqaloqatigiinneq ilinnoorpoq. Sooq.
- Taamatorpiaq suliaritissimanerlutit nassuiaatsikkusupputit.
- Oqaloqatigiinnerup ujartukkatit akissutissarsiffiginissaannut ikiorsinnaavaatit.
Maalaarutiginiakkat pillugu oqaloqateqarsinnaajumallutit kiisalu periarfissatit pisinnaatitaaffitillu pillugit annertunerusunik paasissutissinneqarnissat siunertaralugu, Peqqinnissaqarfimmi siunnersorti ulluinnarni nal. 13:00-15:00 akornanni attavigisinnaavat.
Peqqinnissaqarfimmik oqaloqateqarnissaq pillugu una aamma atuaruk
Peqqinnissakkut sullinneqarneq pillugu maalaarut
Peqqinnissaqarfimmisullinneqarneq pillugu maalaarutinut ilaapput peqqinnissaqarfimmi pisortat ingerlataanni tamatumalu avataani peqqinnissakkut sullissisunit ilaatigut makkununnga atatillugu sullinneqarneq:
- Misissuinerit
- Nappaatinik suussusersiniaaneq nakorsaanerlu
- Ernisorsiorneq
- Paaqqutarinninneq
- Napparsimasunik ataasiakkaanik peqqinnerulersitsiniarneq nappaatinillu pitsaaliuneq
- Nakorsartinnissaq pillugu paasissutissiineq nakorsartinnissamullu akuersissuteqarneq
- Allattugaatinut nalunaarsuineq
- Peqqinnissakkut sullissisut nipangiussisussaatitaanerat
- Nakorsat uppernarsaasiaat
Kiffartuussineq pillugu maalaarut
Peqqinnissaqarfimmi pisortanit ingerlanneqartumi kiffartuussineq pillugu maalaarutini pineqartut ilaatigut tassaapput:
- Sulisut pissusilersornerat
- Ammasarfiit
- Utaqqineq
- Najukkami atugassarititaasunut tunngasut
Taarsiiffigitinnissamut qinnuteqaat
Peqqinnissaqarfimmi pisortat ingerlataanni peqqinnissakkut sullissisumit nakorsartinneq pillugu maalaarutinnut atatillugu taarsiiffigitinnissaq qinnutigisinnaavat.
Ajoquserneqarnikkut anniaatinut aningaasatigulluunniit annaasanut taarsiiffigitissinnaavutit.
Makku arlaannut taarsiiffigitinnissaq qinnutigisinnaavat:
- Sulisinnaannginnermi annaasaqaatit
- Ajoquserneqarnikkut anniaatit
- Ataavartumik ajoqutigilikkat
- Inuussutissarsiorsinnaanermik annaasaqarneq
- Pilersuisugisamik annaasaqarneq
- Kukkusumik nakorsarneqarnerup kingunerisaanik peqqissutsimut tunngatillugu aningaasartuutit allatigullu aningaasanik annaasaqarneq.
Peqqinnissaqarfimmi sullinneqarneq pillugu maalaarutit nassiukkakku taarsiiffigitinnissamik kissaateqarnerit nalunaarutigisimagukku, taanna Nunatsinni Nakorsaaneqarfiup Peqqissutsimut Naalakkersuisoqarfimmut ingerlateqqissavaa.
Malugiuk:
Peqqinnissaqarfimmi nakorsartinneq pillugu maalaarummik nassitsininnut ilanngullugu taarsiiffigitinnissamut qinnuteqarsinnaavutit.
Maalaarutit inerniliisumik aalajangiivigineqareerpat aatsaat taarsiiffigitinnissamut noqqaassutit suliarineqassaaq.
Peqqinnissaqarfimmi sullineqarneq pillugu maalaarutit akuerineqarpat aatsaat taarsiiffigitissinnaavutit.
Maluginiagassat:
Pisimasoq imaluunniit nakorsartinneq pillugu misigisannik sulisut oqaluunniarlugit apeqqutissatillu akissutissarsiviginiarlugit pisoqarfiusumut imaluunniit nakorsartiffiusumut tamatigut attaveqaqqaartariaqarputit. Saaffiginninninni oqaloqatigiinnerup qanoq ingerlanissaanik kiallu oqaloqatiginissaanik ilisimatinneqassaatit.
Qanoq ilillutit maalaarutearnissannut annertunerusunik paasisassarsiorit Sullissivik– llu aqqutigalugu maalaaruteqarit.