Peqqinnissaqarfimmi napparsimasut pisinnaatitaaffii pillugit ilitsersuillunilu siunnersuisu-tut atorfik nutaajuvoq.

”Peqqinnissaqarfimmi siunnersortimik atorfinititsinermi kiffartuussineq pitsaanerulersin-neqarpoq,” taama oqarpoq Aqutsisoqarfiup pisortaa Peter Henriksen. ”Peqqinnissaqar-fimmi siunnersorteqarnikkut, napparsimasut qanigisaasullu ajornanngitsumik kissaatigisaq naapertorlugu paasissutissinneqarsinnaanerat ikiorserneqarsinnaanerallu, arlaannaanulluunniit attuumassuteqanngitsumik innuttaasunik qanimut sullissineruvoq.

Napparsimasut, qanigisaasut sulisullu akornanni oqaloqatigiissitsineq paaseqatigiissitsi-nerlu kiisalu peqqinnissaqarfik pillugu paasissutissanik aalajangersimasunik ingerlatit-seqqiineq, peqqinnissaqarfimmi siunnersortip suliassaasa pingaarnersaraat”, Aqutsiso-qarfiup pisortaa nassuiaavoq.

Grethe Sisimiuni inunngorpoq tassanilu peroriartorluni 1984-imiillu peqqinnissaqarfimmi atorfeqarluni, Nuummi taamanikkut Sundhedsmedhjælperinngorniat ilinniarfianni ilinnia-rnini aallartippaa. Kingorna ernisussiortutut ilinniarpoq 2000-imiillu Nuummi Dronning Ingridip Napparsimmavissuata ernisarfiani sulilluni. Tassani ilaatigut nuna tamakkerlugu naartusunut- assigiinngitsut patsisaallutik Dronning Ingridip Napparsimmavissuani er-nisussatut innersuussanut- sullissisuuvoq.
Kalaallit Nunaanni sulinermi saniatigut Grethe Norgip avannaani ernisussiortutut aamma sulivoq. 

Taamaammat Grethe, ilinniakkat tunuliaqutaralugit ilisimasani napparsimasunullu atta-veqarnermi misilittagarpassuani tunngavigalugit, peqqinnissaqarfimmi atorfimmut nu-taamut pingaarutilimmullu piginnaaneqarluartuuvoq.

Peqqinnissaqarfimmi siunnersorti pillugu annertunerusumik paasisaqarusuttut nittartak-kamut peqqik.gl/peqqinnissaqarfimmi siunnersorti paasiniaasinnaapput Aqutsisoqarfiulluunniit pisortaanut Peter Henriksen-imut (344700) attaveqarsinnaallutik.