Nakorsaatinik tunioraaneq passussinerlu pillugit danskit maleruaqqusaannik Kalaallit Peqqissartut Illuat malinnittussaatitaavoq, nakorsaatinillu nammineq toqqorsiveqarani. Nakorsaatit napparsimmavinnit peqqissartunut innersuunneqartillugit, nakorsaatit nakorsaataarniarfinnit pisarpagut. Nakorsaatit passunneqarat pillugu ataqatigiissaarineq annertuvoq, taamaammat pingaaruteqarpoq minnerpaamik sapaatip akunnerinut pingasunut peqqissartup nakorsaatini nassartassagai.
Peqqissartut illuanni ineqartut nakorsaatinik aallartitsinerminni Fælles Medicin Kortikkut (FMK) nakorsaatit allartorsimaffiat nassartassagaat pingaaruteqarpoq. Nakorsaatinik poortanik nutaanik aallernermi, nakorsaatit puui atoriikkat nassarneqartassapput. Nakorsaatit puui nakorsaatilerisup ammasarfiini nal. 09:00 aamma 15:00 akornanni tunniunneqarsinnaapput.
Peqqissartut namminneerlutik nakorsaatiminnik aqutsisut, nakorsaatinik nuguutsinissartik ullunik pingasunik sioqqullugu takkuttarnissaat pingaaruteqarpoq, peqqissartut illuat nutaanik pissarsinissaminut angumersisinnaaniassammat. Nakorsap nalunaarutaa peqqissartut paasisimanerlugu qulakkeerniarlugu eqqaamasassavaat. Peqqissartut illuat tamatumunnga ikiuussinnaavoq, akisussaaffilli peqqissartuniippoq.
Nakorsaatitik pillugit apeqqutissaqarunik, nakorsaatilerisup allaffianut peqqissartut saaffiginnissinnaapput. Nakorsaatilerisup allaffiata matoqqanerani peqqissaasut saaffigineqarsinnaapput.
Nakorsaataasiviit sapaatip akunnerata naanerani agguaanneqarneq ajorput. Peqqissartunut sapaatip akunnerata naanerani tikittunut, ulluinnarmut tulliuttumut siullermut peqqissaasut tunniussisinnaapput.