Sana-mi sulisut saliisut
Nuummi Dronning Ingridip Napparsimmavissuani sulisut - Nuummi suliffeqarfinni allani 30-ineersut 500-it missaat peqatigalugit ukioq manna Saligaatsumik qulequtserlugu aaqqissuussami juunip ulluisa 14-anni saleeqataapput.
Pisortat suliffeqarfiattut najukkami inuiaqatigiinni ikiuulluta peqataanissarput– pingaartutut isigigatsigu Peqqinnissaqarfimmit peqataavugut. Inuiaqatigiit ikittunnguusugut nukissagut killeqarmata –ilaatigut pinngortitaq saligaatsuutinniarlugu tamatta ikiuuttariaqarpugut, Ella Skifte Dronning Ingridip Napparsimmavissuata silataani nammineq saleeqataasoq taama oqarpoq.
Ukioq manna Saligaatsumik taallugu aaqqissuussinermi arfinilissaa ingerlanneqartumi Sanami sulisut 35-it missaat plastikkinik aaqqaserlutik puussalerlutillu Dronning Ingridip napparsimmavissuata eqqaani kussinerni ivigarinnersanilu saliipput.
Isumaga naapertorlugu aaqqqisuussineq pitsaasuuvoq. Illoqarfiup saligaatsuutinnissaanut tamatta akisussaaffimmik tiguseqataanissamut peqataatitsineq pitsaasoq. Suleqatittaaq taama peqatiginerat nuannerpoq. Aappaagu pinngitsoornanga peqataassaanga, qullersaqarfimmi allatsi Stine Bossen oqarpoq.
Ella Skifte Dronning Ingridip Napparsimmavissuata