Uagut inersimasuusugut akisussaaffigaarput periarfissaqarlutalu qitornatta peqqissumik pitsaasumillu inuuneqarnissaannut sunniuteqassalluta, minnerunngitsumik tupa imigassaq aalakoornartoq allallu aanngajaarniutit eqqarsaatigalugit. Sapaatip akunnerani 22-imi pujortarfiunngitsumi inersimasut meeqqat inuusuttullu peqqissusaannut akisussaanerat malugeqquneqarpoq oqariartuutikkut: ”Oqaloqatigiittaritsi”.

-”oqariartuutigut piuminartuupput iliuuseqarnissamullu tikkuussisuullutik. Qitornat piffissamik atueqatigiuk. Qitornat oqaloqatigiuk – tupa aalakoorniutillu pillugit. Qitornat tapersersoruk sunngiffimmi susassaqartittarlugu. Siunnersuutit malikkukkit, qitornat tapersersussavat inuusaatsimik peqqinnartumik atugaqarnissaanut,” taama oqarpoq Peqqissutsimut Naalakkersuisoq Doris Jakobsen.

Sapaatip akunnera 22-mut atatillugu sumiiffinni sammisaqartitsisoqartassaaq pujortalinnginnissaq pillugu. Tassunga atatillugu Peqqissutsimut Naalakkersuisoqarfiup suliarisimavaa “Inuusuttuuneq pakkutsigu”. Kommunini pinaveersaartitsinermut siunnersortit atortussanik oqallinnissanut atugassanik tujuuluaqqanik, allagartarsuarnik, allaffissanik arsanillu nassinneqarnikuupput.

Pujortartaruit sapatip akunneralu atorlugu pujortarunnaarusukkuit, akeqanngitsumik sms atorlugu kiffartuut ilannguffigisinnaavat! Peqqik.gl aqqutigalugu. Aamma sumiiffinni pinaveersaartitsinermut siunnersorti attavigisinnaavat tusarniarlugu pujortarunnaarniarnermi peqataaneq pillugu.

Sapaatip akunnera 22 pillugu www.peqqik.gl atorlugu paasiniaagit

Plakati: Tupa akiorniarlugu ulloq, 31.maj 2016, Nuummi

 
Annertunerusumik paasisaqarusukkuit attavigisinnaavat Peqqissutsimut siunnersorti Nadja Frederiksen oqarasuaat: +299 34 66 76 imaluunniit  e-mail: nafr@nanoq.gl. aqqutigalugit