Inunnik isumaginninnermi siunnersorti

Kalaallit Peqqissartut Illuanni inunnik isumaginninnermi siunnersorti, peqqissartup Kalaallillu Nunaanni inunnik isumaginninnermi oqartussaqarfiit akornanni attaveqarnermut ikiuussinnaavoq. Kræftens Bekæmpelsemi Neriuffimmilu aningaasaateqarfinnut peqqissartup qinnuteqarnerani siunnersorti aamma ikiuuttarpoq. Inunnik isumaginninnermi siunnersorti peqqissarnivit nalaani oqaloqatigerusukkukku Kalaallit Peqqissartut Illuat attavigisinnaavat.

Ullormusiat inunnillu isumaginninnermi ikiorsiissutit

Kalaallit Nunaanni kommuunerisap aalajangertarpaa, peqqissartoq Danmarkimiinnermini ullormusianik inunnillu isumaginninnermi ikiorsiissutinik pisinnaanersoq. Nammineerlutik aallartinneq ajorput, qinnutigineqartussaallutilli. Danmarkimiinnerni aningaasatigut artukkerneqariataassaguit, inunnik isumaginninnermi siunnersorti attavigisinnaavat, taassuma Kalaallit Nunaanni oqartussanut suliap ingerlatinneranut ikiorsinnaammatit. Inunnik isumaginninnermi siunnersorti aalajangiisinnaatitaanngilaq, Kalallit Nunaanni kommuunit kisimik tamanna oqartussaaffigimmassuk.