Nuna tamakkerlugu innuttaasut ulloq unnuarlu Peqqinnissaqarfimmut saaffiginnissinnaapput. Tamanna qangaaniilli Qeqertarsuarmi aamma atuuppoq. Qeqertarsuarmi allaannguutaaoq tassaavoq peqqissaavimmi aalajangersimasumik unnukkorsiortoqaranilu unnuarsiortoqarunnaanera. Maanna sulisut pinartoqartillugu aggersarneqarsinnaapput.

Unnukkut unnuakkullu pinasuartarialinnik sullissineq oqarasuaatikkut saafiginninnikkut pisarpoq. Pinasuartarialinni, napparsimasup sundhedsassistentimit, peqqissaasumit nakorsamiilluunniit- pinasuartumik angallanneqartariaqarnermik/nuunneqartariaqarnermik/ unitsinneqartariaqarnermilluunniit naliliisussamit takuneqartariaqarneranik naliliisoqarpat, peqqissaavimmut takkunnissaq isumaqatigiissutaassaaq.

Nal. 16.00-imiit ullaakkut 8.00-ip tunganut saaffiginniffissaq allanngornani tassaavoq: 892211.

Napparsimasunik angallassineq

Napparsimasunik pisariaqartitsisunik umiarsualivimmut mittarfimmullu angallassisarneq pisarnertut Qeqertarsuarmi peqqissaavimmit isumagineqarpoq. Napparsimasup bilitsissaanik inniminniinermut atatillugu napparsimasorlu oqaloqatigalugu pisariaqartitsineq naliliivigineqartarpoq.

Illoqarfimmi allagarsiussap paasiuminaatsup ajoraluartumik pisariaqanngitsumik ernumalersitsisimanera Peqqinnissaqarfimmit ajuusaarutigineqarpoq.