Peqqinnissaqarfik sullissinermik qaffasissumik sullissiniarluni suliniuteqarpoq
Peqqissutsimut Naalakkersuisoq, Doris Jakobsen, napparsimasut kukkusumik suliaritissimaneri akuersaanngilai, erseqqissarpaali, peqqinnissaqarfik ataavartumik innuttaasunut pitsaanerusumik sullissinissamik suliaqartoq.
Ataasinngormat Nuuk TV Peqqissutsimut Naalakkersuisumit oqaatigineqartut eqqunngitsumik saqqummiussivoq. Ilanngussaq KalaalIit Nunaanni napparsimasuniit maalaarutit amerliartorneranik imaqarpoq, Nuuk TV-llu suliat ataasiakkaat pillugit ilanngussaqarsimalluni. Peqqissutsimullu Naalakkersuisup Laura Táunàjik-mut napparsimasunut nalinginnaasumik sullissinermut, nakkutilliinermut naammagittaalliuutinullu tunngasunik akissutaanik imaqartoq ilanngunneqarsimalluni.
-Suliat ataasiakkaat pillugit oqaaseqarsinnaanngilanga, kisianni erseqqissaatiginiarpara, suliaritinnerit kukkusat akuersaarsinnaanagit. Taamatut oqareerlunga, erseqqissaatigissavara, peqqinnissaqarfik sullissinermik qaffasissumik sullissiniarluni suliniuteqarmat, taama oqarpoq Doris Jakobsen.
Napparsimasunik maalaarfik Napparsimasut Maalaartarfianni nakerisarsiorfiunngitsumik suliarineqartarput. Napparsimasut suliaritissimasut maalaarutaat tassani tiguneqartarput. Suliaritissimanermut maalaarutit pasitsaassinermiit ukiut marluk qaangiutsinnagit nassiunneqareertussaapput. Peqqinnissaqarfiup maalaarnissamut ilitsersuutaat nittartakkami Peqqik.gl-mi takuneqarsinnaapput.
Paasissutissanik allanik pissarsiniaraanni naalakkersuisumut allatsi Rosa Thorsen +299 553303 attavigineqarsinnaavoq