Dronning Ingridip Napparsimmavissua
Jens Kreutzmannip aqq. 11
Postbox 1001
3900 Nuuk
Oqarasuaat: 34 40 00
E-maili: dihshv@peqqik.gl

Napparsimmavissuaq
Dronning Ingridip Napparsimmavissua nuna tamakkerlugu napparsimmaviuutigaluni Nuummi innuttaasunut napparsimmaviuvoq.
Dronning Ingridip Peqqissaavia: (akeqanngitsumik oqarasuaatikkut 80 11 11 piffissamik inniminniineq, qarasaasiakkut nakorsiarneq, saaffiginnittarfik).

Napparsimmavissuarmi immikkoortut makkuupput:

Napparsimasunut akunnittarfik (Patienthotel)
Napparsimasunut akunnittarfik sinerissamiit Napparsimmavissuarmut misissortittunut annikinnersumillu suliaritittunut uninngaviuvoq. Taakku saniatigut misissortereersut/suliaritereersut utimut aqqutissaminnut utaqqisut, napparsimasunut ingiallortaasut akunnittullu najugaqarfigisarpaat.
Napparsimasut akunnittarfianni najugaqassaguit paasissutissanik pissarsigit.

Nakorsartittunut immikkoortortaqarfik (Medicinsk område)
Aseruuttoortunik, kræftimik nappaatilinnik nerisat arroriartortarfiisigut nappaatilinnik, uummatikkut tartukkullu nappaatilinnik meeqqanillu aqqaneq marluk inorlugit ukiulinnik uninngasoqartarpoq. 
Nakorsartittunut immikkoortortaqarfimmi uninnganeq pillugu paasissutissat.
Timimik sungiusaanikkut piginnaanngorsaqqinneq qinnguartaanerlu pillugit paasissutissat annertunerusut attaviit uku aqqutigalugit pissarsiarisinnaavatit Timimik sungiusaaneq

Pilatsittunut immikkoortortaqarfik (Kirurgisk område )
Nerisat arroriartorfiisigut nappaatilinnik, quup aqqutaagut aseruuttoortunik, arnat ilumikkut nappaataannik nappaatilinnik, ernisunik, saanerminnik napisisimasunik siutitigut, qinngakkut toqqusaakkullu nappaatilinnik uninngasoqartarpoq. 
Aaversinneq, uummatisiortinneq (EKG) Pilatsittunullu immikkut nakorsiartarfimmi nakorsiarneq.

Tarnikkut nappaatilinnut immikkoortortaqarfik (Psykiatrisk område)
Immikkoortortaq uninngavik ammasuuvoq, Kalaallit Nunaannilu innutaasunik tarnimikkut nappaateqartunik katsorsartinnissamut neqeroorfiulluni. 
Tarnimikkut nappaatilinnut immikkoortortamut uninneq pillugu paasissutissat.
Tarnikkut nappaatilinnut uninngavik pillugu paasissutissat nalinginnaasut.

Ernisussiortut (Fødeafdelingen)
Naartuguit naartunerillu pillugu apeqqutissaqaruit, una toorlugu paasissutissanik pissarsisinnaavutit. 
Dronning Ingridip Napparsimmavissuani ernisarfik pillugu uani atuaqqissinnaavutit.

Pinasuagassanut immikkoortortaqarfik (Akutområde)
Pinasuagassanut immikkoortortaqarfimmi napparsimasut peruluutillit nakorsarneqartarput.
Oqarasuaatikkut napparsimmavissuup normuanut: 34 40 00 sianerluni attaveqartoqarsinnaavoq. Atuaruk.