Umiarsuarnut nakorsaataasivinnik inniminniineq
Umiarsuarnut tamanut inuussutissarsiorneq siunertaralugu ilinniarsimasunik inuttaqarlutik nunatta imartaani angalasunut, nakorsaataasivimmik angissutsimigut inuttaasunullu naapertuuttumik nassataqarnissaq piumasaqaataavoq.
Nakorsaataasiviup sorliup umiarsuarmiinnissaanut umiarsuup qanoq nalunaarsorneqarsimanera apeqqutaavoq. Taamaammat nalorninermi umiartornermut aqutsisoqarfik (søfartsstyrelse) attavigineqassaaq.
Umiarsuarnut nakorsaataasivinnik A, B aamma C –nik piniarneq Nuummi Nunatta Nakorsaataasivianit kiisalu Sisimiuni Aasiannilu qitiusumik napparsimmavinniit pisinnaavoq. Illoqarfinni allani tamani nakorsaataasivik C piniarneqarsinnaavoq.