Paasissutissartaa
Soqutiginnikkuit peqqissutsit qanoq innersoq paasissallugu – aggerlutit qaammaasaqarfigileruk.
InuunerissarfikCafé tassaavoq inummut inersimasumut peqqissutsiminut tapersersuiniarluni iliuuseqarusussinnaasumut neqeroorut.
InuunerissarfikCafé aamma periarfissiivoq piaarnerusumik sukkornermik, aakkut qaffattoornermik imaluunniit KOL-imik nappaatillit nassaarisinnaallugit.
Neqeroorut
InuunerissarfikCafé peqqinnissaqarfiup iluani ingerlanneqartarpoq.
Peqqinnissaqarfimmi suliffiusup iluani sulisut namminneq aaliangertarpaat qanoq akulikitsigisumik qaqugukkullu InuunerissarfikCafé ingerlanneqartassasoq. Sumiiffimmiit sumiiffimmut immikkut assigiinngissuteqartarput.
Najugaqarfinni ussassaarutit maluginiartakkit, soorlu allagartaliinerit taakkununnga tunngasut.
InuunerissarfikCafé-mi susoqartarpa?
Nammineq qanoq iliorsinnaavunga?:
Najugaqarfigisappit peqqinnissaqarfiani takkukkuit utaqqisarfiup iluaniinerusarput uuttuutit, angissutsimut aammalu qitimut.
- Aallaqqaasiullugu skemaq atuarluassavat immersugassartaalu illit peqqissutsinnut tunngasoq, immersorlugu.
- Nammineq uuttortassaatit uutukkavillu inerneri skema-mut allattorlugit.
- Soqutigissagukku allornernut kisitsissummik pisinnaavutit, taanna allagartalerlugu tunniunneqartarpoq.
- Skema-mut immersukkatit tunngavigalugit sulisumik immikkut oqaloqateqarsinnaavutit.
- Aappit naqitsinera uuttorneqarsinnaavoq aammalu peqquteqarpat aappit sukkua uuttorneqarsinnaavoq. Oqimaappallaaruit, aappit naqitsinera qullasippallaarpat, qitikkut uuttornerit angivallaarpat imal.qaniginerpaasannik sukkornermik nappaateqartoqarpat, sukkornermut misissorneqarsinnaavutit (inussakkut aaversinnikkut aak kuseriarneq tigoriarlugu maskiinap uuttussavaa- inernera 3 minut missaa qaangiuppat paasinarsisarpoq)
- Taakku saniatigut puatit uuttorneqarsinnaapput (spirometri) paasiniarlugu qanoq puatit sulilluartiginersut.
Misissukkat inerneri tamaasa journal-innut allattorneqassapput.
Inuit aakkut qaffattooqqasut, aavisa sukkua annertuvallaarpat imaluunniit puaasa sulinera killeqalersimappat neqeroorutigineqassaaq Livstilsambulatoriamut nakorsiarnissaq.
Piumaguit kaasarfimmiorisinnaasaq kuppersagaq “
Anguniagakka” pisinnaavat, tassungalu uuttukkat allattorlugit piffissap ingerlanerani allanngoriartorneri malinnaaffigisinnaasallugit.
Quppersagaq:
“Inuunermi pissutsinut najoqqutassaq” aammalu nivinngartagaq qalipaatilik“ nerisaqarnermut innersuussutit qulit” angerlaasinnaavat, kaammattuutitut imaluunniit isumassarsiornernut illit inuunerit ajunngittuutinniarlugu sulinissannut iluaqutissatut.