Meerartaalerpit?
Meeqqavit inuunerissaarnissaa ilaqutariittullu inuunerissaarnissarsi takorloorpigit? Taamaappat MANU ilinnut naapertuutissaaq! MANU tassaavoq asngajoqqaatut piareersarneq, ataatanngulersunut anaananngulersunullu naatsorsuussaq. Apeqqutaanngilaq meeraqareernersutit imaluunniit siullermik meerartaalernersutit, avannaaneernersutit, kujataaneernersutit, kangianeernersutit kitaaneernersutilluunniit.
MANU-mut peqataanikkut angajoqqaanngoriartorninni ingiaqateqassaatit. Naapissavatit sulisut pikkorissut, meeqqat pillugit ilisimasaqarluartut. Meeqqap naarmiuunermini inerikkiartornera pillugu paasisaqassaatit, taamatullu aamma aappariittut inuunermi qanoq pisoqartarnera paasisaqarfigissallugu. Meeqqavit inunngornerata kinguninnguaniit qanimut attaviginissaa pillugu isumassarsitinneqassaatit. Allatigullu meeraaqqat inerikkiartortarnerat pillugu atorfissaqarluartunik ilisimasaqalissallutit.
Pikkorissarnermi aammattaaq eqqarsaatigilissavat illit nammineq ataatatut anaanatulluunniit qanoq-ittuuniarnerit. Aamma aappallu qanoq angajoqqaajuniarnissi oqaloqatigiissutiginissaanut periarfissaqassaasi. Kisermaajuguit ilaquttavit ikinngutivilluunniit ilaannik peqateqarsinnaavutit. MANU-mi aammattaaq ilaqutariit allat, qanittukkut angajoqqaanngortussat, naapissavatit. Isumassarsiatsialannik misilittakkassinnillu paarlaateqatigiissinnaavusi – meerarsi peqatigalugu ulluinnmarisassinni atorsinnaasassinnik.
Pitsaasumik angajoqqaajoriaatsit amerlaqaat!
MANU-p illit nammineq angajoqqaatut periusissavit nassaarinissaanut ikiussavaatit.
Qanoq-iliorluni MANU-mut peqataasoqarsinnaava?
Juumoorisannut erninermiluunniit ikiortimut nalunaarsinnaavutit naartuninnut atatillugu siullermeertumik oqatigiinnissinni.
Attavissaqqissut
Meeqqanik Inerisaanermut Immikkoortortaqarfik - Isumaginninnermut Aqutsisoqarfik
Mail: manu@nanoq.gl iml. miim@nanoq.gl
Nittartagaq: www.manu.gl
