Kalaallit Peqqissartut Illuat

Kalaallit Peqqissartut Illuat Peqqinnissaqarnermut Aqutsisoqarfiup ataani suliffeqarfiuvoq ulloq unnuarlu inuttaqartinneqartoq. Peqqissartut taakkulu qanigisaasa Danmarkimiinneranni angerlarsimaffittut siullertut siunertaqarluni. Tamanna napparsimmavimmi uninnerup siornani kingornanilu atuuppoq imaluunniit Danmarkimi misissortinnermi. Peqqissartut illuat pikkorissunik sulisoqarnera torersuuneralu ineqartunut misigitikkusupparput, neqeroorutittalu pitsanngorsartuarnissaat sulissutingiuarparput. Tikittunit naatsorsuutaasut tamaasa piviusunngortissinnissaannik periarfissaqanngilagut. Taamaammat peqqissartut qanigisaasullu peqatigalugit naatsorsuutaasunik nalimmassaqatigiinneq ataavartumik ingerlattarparput. Nammineerluni atungarisat nakkutiginissat kikkut tamarmik nammineerlutik akisussaaffigivaat.

Quppernerit maani pineqartut paasissutissiissutitut siunnerfittullu suliarineqarput, sulisunit, peqqissartut qanigisaasalu atorsinnaasaat. Imarisaat nutartertuarput, sinaakkutaasut allanngorarnerat malillugu aqutsisunit nalimmassarneqarsinnaallutik.

Aaqqissugaaneq

Kalaallit Peqqissartut Illuanni Aqutsisoq Birtha Bianco aamma sullissinermi aqutsisoq Tanja Angersbach Kluck illumi ingerlatsisuupput. Sulisut 49 missaanniipput, taakkunani ilaat tiimimut akissarsiaqartuullutik.