Oqarasuaat: (+299) 34 84 84
E-postadresse: tandnuu@peqqik.gl (piffissamik inniminniiniarnermut atorsinnaanngilaq)
Ammasarfiit: ataasinngorneq - tallimanngorneq nal. 8:00-15:30.
Nuummi kigutileriffeqarfimmi kigutileriffiit
Qitiusup kigutileriffia: Imaneq 43, 3900 Nuuk
Kangillinnguit kigutileriffik: Qajaasat 1, 3905 Nuussuaq
Nuussuaq kigutileriffik: Narsaviaq 12, 3905 Nuussuaq
Kiguserisunut Saaffiginniffissaq
Maannakkut kigusiat pinartumik kiguserisut ullut tamaasa nalunaaqutaq 11:30 -12:30 akunnerani
takkullutik kigusiarsinnaapput, angerlarsimaffimmut kigutileriffik qaninneq ornissinnaallugu.
NB: Utaqqinissaq ilimagineqassaaq. Meeqqat pinartumillu kiguserisut siulliunneqartassapput.
Sianerluni piffissamik piniartarneq unippoq, aatsaat takkulluni kigusiartoqarsinnaavoq.
Kigutit misissortikkusukkaanni suli kigutigissaasumut inniminniisoqarsinnaavoq oqarasuaat una atorlugu:
348484 nalunaaqutaq 9:00 -10:00 akunnerani.
Piffissamik allannguininarneq aggersinnaannginnermullu nalunaarneq
Sianerfissaq 34 84 84.
Meeraaqqanik aggersaaneq
Meeraaqqat 8-, 14- aamma 26-nik qaammatillit kiisalu 3-, 4½-aamma 5-nik ukiullit ataqatigiissaakkamik aggersarneqartarput.
Meeraaraatillit Nuummut nuunnikut qinnuigissavagut Qitiusup kigutileriffianut, oqarasuaat 34 84 84–mut imaluunniit mail-ikkut tandnuu@peqqik.gl-mut saaffiginneqqullugit, meeraq/meeqqat aggersartittarnissaminnut ilanngunneqarniassammat.
Atuartut
1.-5.klassit aggersarneqartarput misissortinnissamut suliaritinnissamullu angajoqqaaq/nakkutiginnittoq ilaatillugit/-gu.
Anginerusunilu atuartut suliaritilernerani angajoqqaat/nakkutiginnittut aamma peqataanissamut tikilluaqqusaapput.
Pisariqartitsiffimmi saaffiginniffissaq 34 84 84, soqutaanngilaq sumi meeraq atuarnersoq.
Meeraq kiguserippat
Saaffiginniffissaq oqarasuaat 34 84 84 kigutileriffiup ammanerani.
Kigutaasat
Ataasiakkaanik kigutilinnik kigutaasanik sanasoqarsinnaavoq, kigutileriffimmiit kigutaasanik atorfissaqartitsineq nalilerneqassappat. Kigutit sinneruttut kigutigissaasumiit misissortinneqaqqaarnissaat, kigutillu suliassartaqassappata suliariteqqaarneqarnissaat piumanarpoq.
Kigutit tamaasa amigaataappata kigutaasartaarniaraannilu, qitiusup kigutileriffianut misissorteqqaarnani sianertoqarsinnaavoq 348484-mut.
Kigutaasat iluarsaatitassat kigutileriffiup ammanerani qitiusumik kigutileriffimmut aggiunneqarsinnaapput.
Kigutaasat kigutinik ilasassat imaluunniit suliarinermi uuttortagassartallit marlunngornikkut sisamanngornikkullu nal. 8:30 suliarineqartarput.
Kigutaasat annaaneqarsimasut tamatigut taarserneqarneq ajorput.
Kigutileriffiup ammasarfiisa avataani
Saaffiginnittoqarsinnaavoq Napparsimavissuaq Dr. Ingrid Ajoqusersimasut Nakorsiartarfianut (+299) 34 44 00.