Sinaakkutaasut
Kalaallit Peqqissartut Illuanni 38-nik ineeraqarpoq, init marluuttarissat 15-it inissiallu 4. Inissiat meerartalinnut sivisuumillu uninngasunut inniminniigaapput. Kikkut inissiani ineqarsinnaanersut peqqissaasunit naliliiffigineqartarpoq. Tamakkiisumik atungarisat aallaavigalugit, soorlu timikkut tarnikkullu, nalilersuineq ingerlanneqartarpoq. Peqqissartut ilaat peqqissartunik allanik ineqateqarsinnaasarput, Danmarkimi peqqissariartut tamaasa ineqartissinnaaniarlugit.
Ataatsimut atungassarititat
Peqqissartut illuanni ataatsimoorussaasunik makkunannga peqarpoq:
- Nerisarfik
- Isersimaartarfiit
- Errorsisarfik
- Timigissartarfik
- Ineqartut qerititsiviat
- Meeqqanut sukisaartarfik
- Sukisaartarfik
- Ineqartut igaffii
- Nerisarfeqqaat naatsiivillu aneerasaartarfik
Neqeroorutaasut kikkunnit tamanit atorneqarsinnaapput, neriuutigaarpullu torersuutitsineq tamanit peqataaffigineqarsinnaassasoq.
PC attaveqaatillu
Sukisaartarfimmi kikkunnit tamanit atorneqarsinnaasumik PC-qarpoq. Internetimut aamma attavilertoqarsinnaavoq, WiFi-mullu kode saaffiginnittarfimmi pineqarsinnaalluni.