Influenzamut Covid-19-imullu akiuussutissiinerit Peqqinnissaqarfimmit makkununnga neqeroorutaapput:

• 65-ileereersimasut (15. januar 1961 sioqqullugu inunngortut)
• Innuttaasut nualluummik peruluuteqarsinnaasut ukioq mannalu suli akiuussutissinneqarsimanngitsut
• Naartunerup pingasunngorlugu avinnerisa aappaanni pingajuannilu naartusut

  Nualluummut akiuussutissinneqarsinaasut allat tassaapput:

• Innuttaasut nammineq akilerlugu akiuussutissinneqarnissamik kissaateqartut
• Innuttaasut akiuussutissinneqarnissamut suliffeqarfimminnit akiliunneqarusuttut

Nuna tamakkerlugu akiuussusersuisoqassaaq:

Ulloq: Pingasunngorneq 5. november aamma pingasunngorneq 12. november

Nal.: 13.00–17.00

Sumi: Najukkami peqqissaavimmi imal. napparsimmavimmi.

Takkutiinnassaatit. Qanigisaasut qanigisamik akiuussutissinneqarnissaannut tapersersuinissamut ikiuunnissamullu kaammattorneqarput.

Nammineq akiliiniartunut suliffeqarfinnullu
Innuttaasut saaffigineqartut avataanniittut akiuussutissinneqarnissamut nammineq akileerusuttut, ulloq taanna akiuussutissinneqarfimminni akiliissapput. Nuummi nakorsaataasivimmut saaffiginnillutit akileeqqaarlutit akiuusutissinneqassaatit. Sumiiffinni allani najukkami peqqissaavimmi/napparsimmavimmi akiliisoqassaaq.

Innuttaasut suliffeqarfiata akiliunniagai, immikkut isumaqatigiissuteqarnissamut nunatta nakorsaataasivianut apotek@peqqik.gl sulisitsisuminnik saaffiginneqqusissapput.

Sisimiuni innuttaasunut immikkut ilisimatitsisut
Sisimiuni novembarip aqqaneq aappaata tungaanut akiuussutissinneqarnissamut piffissamik inniminniiniarluni ulluinnarni nal. 8-9 akornanni 801112-imut sianertoqarsinnaavoq.

Tamanna akeqanngitsumik akiuussutissinneqarnissamut neqeroorfigisanut namminerlu akiliisussanut atuuppoq.