Taamaattumik Nunatsinni Nakorsaaneqarfik innersuussivoq 65-ileereersimasuniit qummut, kiisalu inuit peruluutaasumik napparsimalersinnaasut kikkulluunniit covid-19-imut nualluutinullu akiussutissinneqassasut.
Amerlanerpaat covid-19-imik nualluutinilluunniit tunillanneqarsimasut peruluutaanngitsumik atortarpaat, ilaasali tunillanneqarnertik peruluutigilersinnaavaat allaallu unitsinneqartariaqalersarlutik, perulunnerpaagaangamillu toqussutigisinnaasarlugu.

Kikkut covid-19-imut nualluutinullu allanut akiuussutissinneqassappat?

• 15. januaari 1961 sioqqullugu inunngorsimasut.
• Kikkulluunniit perulullutik napparsimalernissamut aarlerinaatillit (ataaniittut takukkit).
• Naartunerup immikkoortuisa (trimesterit) aappaanni pingajuannilu naartusut.

Anigugassaanngitsunik nappaatillit

• KOL-imik nappaateqartut, astmaqartut imalt. allamik anigugassaanngitsumik pualluuteqartut.
• Type 1-imik imalt. type
• 2-mik diabetesimik nappaateqartut (sukkortut).
• Uummalluttut, uumatip taqaasa nerukillisimanerannik allamilluunniit uumatikkut taqqatigullu nappaatillit (uani pineqanngillat aap naqitsinerata qaffasinneranik aqunneqarsinnaasumik nappaatillit).
• Kræftimik nappaateqartut.
• Naamikkut imalt. tingummikkut tartumikkulluunniit nappaateqartut.
• Gigtimik nappaateqartut (uani pineqanngillat nungullarsimanermik patsiseqartumik gigtertut).
• Sianiuteqarfitsigut nappateqartut (qaratsakkut).
• Timip nammineq akiuussutissaanik appartoorsimasut (immundefekt)
• Nukiit sanngiillisimanerannik patsiseqartumik anersaartorniarnikkut akornuteqartut.
• Allat anigugassaanngitsunik nappaateqartut, nalinginnaasumik nuallunnikkut imalt. covid-19-imik tunillatsinnikkut perululersinnaasut.

Nappaatit allatigullu akornutaasinnaasut

• Pualavallaalersimasut, BMI-ata (Body Mass Index) 35 qaangersimallugu.
• Allanik navianaatilinnik nappaateqartut, nualluuteqarnikkut covid 19-imilluunniit napparsimalissagunik perululernissamut aarlerinaatillit.
• Timip nammineq akiuussutissaanik appartoorsimasunik (immundefekt) najugaqatillit / illoqatillit.

Peqqinnissaqarfimmiit peruluuteqalersinnaasut immikkut qaaqquneqassanngillat. Innuttaasut kikkulluunniit neqeroorummut ilaatinneqartut namminneq saaffiginnissapput, sumiiffimminnilu akiuussutissinneqarumaarlutik. Piffissamik inniminniisoqarnissaa pisariaqanngilaq. Neqeroorummut ilaanerlutik nalornilersut sumiiffimminni napparsimavik peqqissaavilluunniit saaffigiinnarsinnaavaat.

Akiuussutissat suut neqeroorutaassappat?
Akiuussutissat nutaat Covid-19-imut nualluummullu nalinginnaasumut ukiami ukiumilu 2025/26-mi allannguutinik immikkoortunillu atugaanerusussatut naatsorsuutigisanik akullit neqeroorutaassapput.

Najugaqarfiit minnerusut:
Peqqinnissaqarfinnit allagarsiinissaq alaatsinaaguk. Piffissami ataani pineqartumi illoqarfimmiissaguit akiuussutissinneqarsinnaavutit.

Takkutiinnassaatit.

Kikkulluunniit akiuussutissinneqartussanut ilaasut piffissaliussap iluani saaffiginnissinnaapput. Peqqinnissaqarfiup innersuussutigissavaa siusinnerpaamik 5 min. sioqqullugu takkuttarnissaq.

Suliffeqarfinni peqqinnissaqarfimmilu sulisunik akiuussutissiisarnerit

Sulisunik aamma peqqinnissaqarfimmi sulisunik akiuussusersuineq pissaaq ulluni 5. aamma 12. novembari.

Paasissutissanik sukumiinerusunik piumasoqassappat Nunatta Nakorsaanera Paneeraq Noahsen, nun@nanoq.gl imalt. tlf. 34 51 92 aqqutigalugit attavigineqarsinnaavoq.