Nunatsinni Peqqinnissaqarfik nutaamik nakorsanut pisortartaarpoq

Januaarip aallaqqaataat 2026 aallarnerfigalugu Nunatsinni Peqqinnissaqarfik nutaamik nakorsanut pisortartaassaaq.

Jesper Olesen Kalaallit Nunaannut peqqaarpoq ukioq 2000, nakorsatut naammasserlaajulluni Dronning Ingerip Napparsimavissuani Peqqissaavianilu atorfinikkami, tamatumalu kingorna SANA-mi pilattaanermut immikkoortortamut 2001-imi nuulluni.

Ukiut marlussuit Randers Centralsygehusimiilaariarluni Jesper Olesen Nuummut uteqqippoq, nakorsatullu sulinermi saniatigut speciallægitut ilinniaqqilluni. 2008-p kingorna peqqinnissaqarfiup aqunneqarneranut akuujartulerpoq, siullermik chefdistriktslægetut kingornalu Immikkoortortami Sermersuumi pisortanngorluni.

”Nakorsanut pisortanngorninni Peqqinnissaqarfik inuiaqatigiillu kalaallit ilisimasaqarfigilluarlugit ikkuppunga. Ullutsinni piffissamilu aggersumi unammilligassat paasisimasaqarfigilluarpakka, aammalu sinaakkusiussat iluanni iluarsiiniutissanik pitsaanerpaanik nassaarniarnissamut piumassuseqarluarlunga,” Jesper Olesen oqarpoq.

Jesper Olesenip nakorsanut pisortanngornerani tikilluaqquarput suleqatigilluarnissaalu qilanaaralugu.