Nuna tamakkerlugu kigutissarnermut ullorititaasoq 3.maj 2023 – kigutit eqqiluitsut putoqalersanngillat
Ukioq manna kigutissarnermut ullorititaasoq 17-issaannik malunnartinneqarpat, kingumut nuna tamakkerlugu sammisassarpassuaqassaaq.
Ullut tamaasa kigutit salittarnissaassa pingaaruteqassusaa ukioq manna qitiutinneqassaaq.
Ukioq manna sammisaq: Eqqaamallugu ullut tamaasa kigutigissarnissaq/Husk tandbørstningen hver dag.
-Pisumi meeqqat qarnisa eqqiluitsuutinnissaat qitiutipparput. Nuannisarnissaq ataatsimoorussinissarlu pineqarput, aammali ilungersunartortaqarpoq. Taamaammat meeqqat angajoqqaallu, kigutit salittarnissaannut pitsaasunik ileqqoqalersissinnaajumallugit, kigutit salittarnissaat ukkapparput, kigutit nakorsaasa qullersaat Lone Mahnfeldt nassuiaavoq.
Ulloq kigutigissarfik ukiumut ataasiarlugu ingerlanneqartarpoq, sammisallu tamarmik kigutileriveqarfimmi sulisut illoqarfinnilu/nunaqarfinnilu meeqqeriviit/atuarfiit akornanni qanimut suleqatigiinnikkut ingerlanneqartarlutik.
Kigutit pillugit siunnersuutit sisamat
• Ullaakkut unnukkullu kigutitit salilluartakkit
• Meeqqavit aqqaneq marlunnik ukioqalernissaa tikillugu kigutiminik saliinerani ikiortaruk
• Kigutit qaqorsaataat fluorimik annertuumik – ajornanngippat 1450 ppm-imik akulik atortaruk
• Ulluinnarni mamakujuttoqinak, saftitortaqinak sodavanditortaqinallu.