Kigutilerisut qullersaannik akunnitsinnit pissarsineq iluatsippoq. Sisimiuni kigutilerisut pisortaattut atorfimmiit, Helena Holm maajip ulluisa aallaqqaataanni 2023 Nuummut nuulluni, kigutilerisut qullersaat Lone Mahnfeldt, ukiut tallimat kigutilerisut qullersaattut sulereerluni pensionertussanngortoq, taarsissavaa.
Helena Holm 2021-imi nunatsinni kigutileriveqarfimmi atorfinippoq, siullermik Ilulissani kigutilerisutut kingorna Sisimiuni kigutilerisut pisortaattut, suleqatit peqatigalugit ilaatigut inuusuttut kigutigissuunissaannik ukkassilluni.
Helenap ukiuni amerlasuuni misilittagai, ilaatigut Danmarkimi komminimi kigutigissaanermik sulialittut, Københavnimi kigutilerisunngorniat ilinniarfianni kigutilerinermik ilinniartitsisutut, Glostrupimi Rigshospitalimilu kiguserfitsigut pilattaanermut immikkoortortami atorfeqarsimanikkut, minnerunngitsumillu Ilulissani Sisimiunilu kigutilerivinni sulisimanikkut misitittagaqarnermigut, atorfimmut tassunga piukkunnarluinnarpoq.

Nalunaarut una pillugu paasissutissat uunga attaveqarnikkut pissarsiarineqarsinnaapput:

Sundhedsledelsen@peqqik.gl