Nunatsinni tunillannartuiaavimmi assistentit siulliit ilinniarnertik naammassivaat
Tunillannartuiaanermi immikkut ilisimasalinngorlaat marluk tassaapput Dorthe Ludvigsen aamma Najârak Kristiansen, Dronning Ingridip Napparsimmavissuani Pilattaavimmi/ peruluttullu uninngavianneersut.
Sundhedsassistentit taakku marluk ilinniartitaanermi nutaami Sosu-Østjyllandimit ingerlanneqartumi holdit ilinniaqatigiit aappassanni peqataapput
” Katillugit ulluni qulini pikkunartuni ilinniarnermi pissarsiaqaqaagut pilaanermilu atortut, atortorissaarutit il.il. ilikkagaqarfigalugit” Najârak oqaluttuarpoq.
Tunillannartuiaanermi maskiinanut tunngatillugu teknikkikkut ilisimasassat tunillannartuiaanermilu susoqartarnerata immikkut soqutiginarnerat Dorthip nangillugu oqaluttuaraa.
Dortip Najaaqqallu Napparsimmavisuarmi atoqqitassanik tunillannartuiaanermi tamatumunngalu atatillugu pilaanermi atortunik takkuttoqaraangat eqqiaanermi, misissuinermi, ilioraavinnut ilioraanermi, poortuinermi tunillannartuiaanermilu peqataanissartik qilanaaraat.
Tunillannartuiaavimmi assistentinngorniarluni ilinniarneq uani annertunerusumik paasisassarsiorfigiuk
