Atuagaaqqat/pjecit, video-t illoqqarfiillu arfinillit tikinneqarne-risigut tarnikkut/eqqarsartaatsikkut paqumigisaqartarneq paasititsiniutigissavaat paasinnilernissaq akaareqatigiinnerlu anguniarlugit, ilaqutariit piffimmilu inuiaqatigiit suli annertunerusumik tarnikkut/eqqarsartaatsikkut napparsimasoq ikorfartorsinnaaniassammassuk.
Soorlu H. M. Dronning Margrethe 2021-mi ukiortaami oqalugiaammini oqartoq "innarluuteqarluni inuusunut tamaginnut assigiippoq, inuuniarnikkut pissutsit tamarmik artornartarmata, aammalu paasinninermik ataqqinninermilluuniit naapinneqartangimmata -immaqalu killormorluinnaannik."
Inuiaqatigiinni mattusimannginnerunissaq, kiserliunnginnerunissaq aammalu suliffeqarfinni akulerusimanerulernissaq paasitsitsiniaanerup siunertaraa. Taassumalu saniatigut paasititsiniaanerup eqqarsartaatsikkut/tarnikkut nappaateqartarneq ersarissassallugu aammalu oqaloqatigiissutigineqarnerunissaa, oqallisaanerulernissaa politikkikkullu eqeersimaarfiginerunissaa siunertaraa.
Pasititsiniaanermi tunuliaqutitut inississimavoq Tarnikkut/eqqarsartaatsikkut nappaatilinnut paasititsiniaa-nermik soqutigisaqaqatigiiffik/Interessegruppen for Folkeoplysning om Psykisk Sygdom i Grønland tassani Ann Birkekær Kjeldsen (ledende oversygeplejerske på Psykiatrisk Område, Dronning Ingrids Hospital), Anne Lindhardt (speciallæge i psykiatri og tidligere formand for Psykiatrifonden/Psykiatrifondimi siulittaasuusimasoq), Jonna Pleisner (psykiater og tidligere ledende overlæge i psykiatrien i Grønland/Tarnikkut napaatillit Napparsimavissuani nakorsaanersusimasoq) aammalu Esekias Therkelsen (formand for pårørendeforeningen Sugisami siulitaasoq). Suliniaqatigiiffiup aamma Psykiatrifonden i Danmark suleqatigivaa.
Tarnikkut Napaatillit Napparsimavissuanni ulluinnatsinni siumortarparput inuiaqatigiit akornanni tarnikkut /eqqarsartaatsikkut nappaatilinnik immikkoortitsineq sakkortuumik suli atorneqartoq, inuiaqaatigiinnilu neqeroorutinut amerlasuunut anngutsinneq ajuleqatillugit aammalu naappaammik noqitsilluni uninngati-tsisumik.
Paasititsiniaanerup ilaatut atuagaaqqat quppersakkat/pjecit annilaagatuneq/angst, ADHD, nappaat bipolar, isumatsassimangaarneq/depression, skizofreni, aammalu borderline-mik nappaateqarneq. Paasissutissat nittartakkani www.Sugisaq.gl -imi aammalu www.peqqik.gl –mi pissarsiarineqarsinnaapput. Ilanngullugu aamma tarnikkut nappaatilimmik inooqaateqarneq tassani soorlu Josefine naapipparput ADHD inuunerminut ilagitiinnaraluarlugu qanoq inuunerissuusinnaalluni pillugu oqaluttuartoq.
2022 ingerlanerani Nuummi, Ilulissani, Aasiaanni, Sisimiuni, Qaqortumi Tasiilamilu innutaasunut tamanut ulloqartitsisoqassaaq tarnikkut napaatillit ilaqutaannut suleqatigiisitsiffiusumik aammalu ulloq ataaseq sulisunut tarnikut nappaatilinnut attuumassuteqarsinnaasunut ulloqartitsisoqassaaq.