Meeqqamut qaratsamigut ajoqutilimmut angajoqqaajuit imal. tapersersuisuuit, taava una ilinnut naleqqussinnaassaaq!
Elsassfonden nunatsinnut tikeraassaaq Dronning Ingridillu Napparsimmavissuani timimik sungiusaavik pillorissaavillu suleqatigalugit meeqqat qaratsamikkut ajoqutillit qitiutillugit ullunik marlunnik sivisussusilimmik sammisaqartitsissalluni.
Elsassfonden tassaavoq aningaasaateqarfik qaratsamikkut ajoqutilinnut qanigisaasunullu inuunerup naleqassusaanik annertusaanermik suliniuteqartoq. Tamanna atituumik ingerlanneqarpoq– ilisimatusarnermiit, ilisimasanik ingerlatitseqqiinermut, sammisassatut neqeroorutinik inerisaanermut, suliffeqarfinnut, peqatigiiffinnut nappaateqartunullu ataasiakkaanut toqqaannartumik tapersersuinermut.
Ullut: 18. aamma 19. september 2021
Sumiiffissaq: Hotel Hans Egede, Nuuk
Saaffigisat: Angajoqqaat qaratsamikkut ajoqutilinnik meerallit, meeqqanullu qaratsamikkut ajoqutilinnut tapersersuisutut/ikiortitut sulisut.
Akia: Elsassfondenimiit tapiissuteqarnikkut ulluni taakkunani peqataaneq akeqanngilaq.
Ullut taakku marluk oqalutseqarluni ingerlanneqassapput.
Paasissutissanik sukumiinerusunik pissarsiniat attavissaat:
Apeqqutini peqataaniarluni nalunaarnissamut nalinginnaasunullu allanut tunngasuni mailikkut attavissaavoq: Cecilie Balle cebb@peqqik.gl
Imarisai ilinniagaqassutsimut tunngasut pillugit mailikkut attavissaavoq: Line Zacho Greve lzg@elsassfonden.dk.