Saligaatsoq qulequtsiullugu Nuummi Peqqinnissaqarfimmi saliinermit assit takukkit
Ataasinngorneq Nuummi Peqqinnissaqarfiup eqqaanik saliiviuvoq. Dronning Ingridip Napparsimmavissuani immikkoortortanit assigiinngitsuneersut Peqqissaavianeersullu katillugit 35-it missaat eqqagassanik katersipput.
Kussernit aqqusernillu sinaat salilluarneqarput. Tamatuma kingorna sulisut kantiinaanni grilleraluni ilorrisimaarneq kantinami sulisut isumagaat peqqissaasullu qullersaata Ella Skifte-ip iliuuseqartut qutsavigai
Aaqqisuussinermi assilisat uani atakukkit.
Nakorsat qullersaat Berit Bjerre Handberg eqqagassanut sorsoqataavortaaq.
Peqqinnissaqarfimmi pisortaq Erik Køtlum kussinermi saleeqataavoq.
Kiffartuussinermi qullersanut siunnersuisoqarfimmi pisortaagallartoq Else Marie Grønvold peqqissaasullu qullersaat Ella Skifte silaannarissumiinneq ilorrisimaarutigaat ukiumoortumillu saliinermi qiimasaaqalutik.
