Annette 1991-imi peqqissaasutut ilinniarnerminik naammassinnippoq piffissamilu sivisuumi ilaatigut peruluttunut uninngavimmi peqqissaasutut sinititsisartutullu Danmarkimi Nuummilu sulisimalluni. Annette katillugit ukiut arfineq marluk missaanni Napparsimmavissuarmi sulisimavoq. Suliffigisimasai tassaapput pinasuagassanut immikkoortortaq – taamanikkut peruluttunik nakkutilliivik sinititsisarfillu. Taamanikkut Annette PK-mi suleqataavoq; siulersuisunut ilaasortatut, siulittasup tulliatut piffissamilu sivikitsumi siulittaasuugallartutut. Annette ukiuni qulingajanni immikkoortortani peqqissaanermi aqutsisuusimavoq immikkoortortallu assigiinngitsut aqutsinikkut misilittagaqarfigalugit.

"Peqqissaaneq pitsaassuserlu pillugit iliuusissatut siunniukkumaakkani, uagut pilatsittunut qitiusumik immikkoortumiittugut pitsannguutissanik pitsaasunik eqarsaatersuuteqarnissamut periarfissaqarluta iliuuseqarnissaq ass. sulisussarsiniartarnerup aalaakkaasunillu sulisoqarnissap annertunerusumik samminissaat qilanaaraara. Napparsimasuutitta qanigisaasullu ullumikkumiit annertunerujussuarmik peqataatinneqarnissaat suliniutigerusupparattaaq," Annette oqarpoq.

Annette-ip uigaa John Maahr Hansen, marlunnik 23-inik 27-inillu ukiulinnik meeraqarput, pingajua affaanillu ukiulimmik ernutaqarlutik.

Nalunaarut una pillugu saaffiginnissutit uunga innersuunneqarput: Sundhedsledelsen@peqqik.gl