Angalasussanik tamanik attaveqarnerup ataqatigiissarnissaa attaveqarfiginissaasalu qulakkeerniarnissaa suliassarujussuuvoq, tamannali Namminersorlutik Oqartussat, Peqqinnissaqarfik Air Greenlandillu suleqatigiinnerisigut maanna periarfissaalerpoq.

Misissortittarfik ammalerpoq
Ullumikkut tallimanngornermi 9. oktoberimi angalasussat, misissortittarfimmi nutaami marlunngorpat ulloq 13. oktoberimi siullerpaallutik misissortissapput. Angalasut nappaammik ersiuteqanngitsut tamarmik ulloq taanna aallarnerfigalugu misissortittarfimmi nutaami misissortittalissasut naatsorsuutigineqarpoq. Angalasut inuillu COVID-19-imik ersiutillit Dronning Ingridip Napparsimavissuani (DIN-imi) misissortittarnerat ingerlaannassaaq.

Tassa imaappoq:
•Illoqarfiup qeqqani misissortittarfimmi ullut tallimassaanni misissortinnissamut inniminniisarneq aallannginnermi pisassaaq angalasumullu inniminniinermi piffissaq tunniunneqartoq Københavnimi angalasumut nalunaarutigineqartassalluni.
•Angalasut inuillu COVID-19-imik ersiutillit DIH-mi suli misissortittassapput. Peqqinnissaqarfiup oqarasuaataanut attaveqarnikkut piffissamik inniminniisoqartassaaq uunga sianerluni 344400.
 Islandiminngaanniit Kalaallit Nunaannut angalasut tikinnermiit ullut tallimassaani misissortinnisssamut piffissamik tunineqartassapput.

Ersiuteqarnermi attaveqarneq
COVID-19-imik ersiuteqaruit misissortittarfimmut DIN-imulluunniit ornigutissanngilatit. Oqarasuaammut 344400-imut piffissamik inniminneeqqaassaatit. Tamatumani DIN-imi misissortinnissaq pissaaq.
Ersiuteqarnermi ersiuteqarunnaarnissallu tungaanut Nunatta Nakorsaanerata nun.gl-imi innersuussutai malinneqassapput.

Misissortittarfik piffissani inniminnerneqarsimasuni ammasassaaq
Misissortittarfik piffissani inniminnerneqarsimasuni taamaallaat ammasassaaq. Sulisut atorluarneqarnissaasa utaqqisunillu tulleriiaartunik pilersitsinnginnissaq anguniarlugu, taamatullu tunillaassuunnerup siaruarnissaanut aarlerinaatit sapinngisamik annikinnerpaaniitinnissaat qulakkeerniarneqarput.

Qanoq misissortittarfiliassaanga?
Misissortittarfik illoqarfiup qeqqani Brugsenip eqqaaniippoq (Kalaaliaqakumi).

Taamaallaat nakorsiat misissortinnissamut piffissamik tunineqarsimasut misissortittarfimmut orniguteqqusaapput. Qanigisaasut silataani utaqqissapput. Ukiukitsut misissortinnerminni qanigisaminnik ataatsimik ilagisaqarsinnaapput.

Misissortittarnermut tunngatillugu apeqqutissaqarpit?
Taamaappat Peqqinnissaqarfik oqarasuaatikkut attavigiuk: 344020 (nal. 13-14)