Kigutigissarnermut ullorititaq maanna 13-issaa ingerlanneqalerpoq, ukiorlu manna ukkanneqartoq tassaavoq kigutit salittarnerisa pingaaruteqassusaa. Tamanna pissutigalugu iluatsilluartumik ingerlanneqartarnera nangillugu, ukiumut ataasiarluni ataatsikkut kigutigissartarneq nunarput tamakkerlugiu atuarfinni paaqqinniffinnilu tamani nal. 11.30 ingerlanneqassaaq.

”Ukiumut ataasiarluni kigutigissaqatigiittarnikkut meeqqanut pitsaasunik nuannersunillu eqqaamasasseerusuppugut, allamillu periuseqarluni meeqqani, inuusuttuni minnerunngitsumillu taakku angajoqaavini, kigutigissarnermut atatillugu pitaasunik ileqqoqarnerup pingaaruteqassusaa ukkakkusullugu” kigutit nakorsaasa qullersaat Lone Mahnfeldt oqaluttuarpoq.

Kigutigissarnermut ullorititaasoq ukiumut ataasiarluni ingerlanneqartarpoq sammisallu tamarmik illoqarfinni nunaqarfinnilu paaqqinnittarfinni/atuarfinni -kigutigissaanermik suliaqartut qanimut suleqatigalugit- ingerlanneqartarpoq. Ukioq manna kigutileriviit ataasiakkaat, saaffigerusutanik kikkunnik ukkassinissamut namminneq toqqaasinnaanissaannut periarfissinneqarput. Toqqakkat tassaasinnaapput atuartut, angajoqqaat mikisunik meerallit imal. meeqqat meeqqerivinniittut. Taamaammat innuttaasut najukkaminni kigutileriviup neqeroorutaanut aaqqisuussinerinullu alaatsinaaqqullugit kajumissaarpagut.

KIGUTIGIK!

• Ullaakkut unnukkullu kigutitit salilluartakkit
• Meeqqavit kigutai qulinik ukioqalernissaa tikillugu salittassavatit
• Kigutit qaqorsaataat sakkortuumik fluoritalik atortaruk – sapinngisamik una 1450 ppm
• Ulluinnarni mamakujuit, safti sodavandillu pinaveersaakkit

Attavissaq: Kigutit nakorsaasa qullersaat Lone Mahnfeldt, e-maili: sundhedsledelsen@peqqik.gl