Kakiuisarneq qangarsuaaniillu ileqquuvoq nunarsuaq tamakkerlugu nunannarineqaleraluttuinnartoq– aammattaaq nunatsinni. Kakiortinnerit- pingaartumik pisariaqartitanik piginnaaneqanngitsumit navianaatilinnillu atortoqarluni suliarineqartut, annertuumik ajoqusiisinnaapput.

Kakiortitsinnani pisussap isumaliutigeqqinnissaanut pissutissaqarluarpoq. Imminut Navianartorsiortissinnaaneq akilersinnaava? Angerneqarpat, annertuumik ajoqusernissamut kingunerluuteqarnissamullu navianaataat, siunnersuutit uku malinnerisigut annikillisinneqarsinnaavoq:

- Kakiuisussat peqqissaarlutit toqqaruk, aqqa ilisimajuk eqqiluisaarnikkullu pissutsit ajunnginnerat tamatigullu meqqummik ataatsiartakkamik nutaamik aaqqatinillu atuisoqarnissaa qulakkeeruk. Kakiuisoq misilittagartuujussaaq ilinniarsimanngitssuussananilu – kakiuineq assassornikkut suliaavoq ilinniagassaq.
- Sapinngisamik annertuallaanngitsumik kakiortigit (kakiugaq annertusiartortillugu navianaataa annertusiartussaaq)
- Pilikki akikitsoq ”Kinablæk” imal. pilikkit ilisimaneqartut assilillugit pilikkiliaq atorlugu kakiorteqinak.
- Qalipaatit sakkortuut atorlugit kakiortinnerit ajornartorsiutitaqarnerusarput. Qalipaat aappalaartoq allanut naleqqiullugu sapigaqarnermut ersiuteqalersitsigajuppoq.
- Paffikkut singernikkullu, naggussat atornerisigut ammip tasitsaartarnera pissutigalugu ippiuuteqarfiugajuttuni, kakiortinnaveersaarit.
- Kakiortinnissat isumaliutigeqqissaaruk. Kakiugaq imaaliallaannaq peerneqarsinnaanngilaq. Inuunerpit sinnera attattuussaasariaqassavat.

Tusagassiorfinnut nalunaarut: Kakiortinneq mianersuussiuk!

Paasissutissat sukumiinerusut uannga pissarsiassaapput: Henrik L. Hansen, Nunatsinni Nakorsaaneq, Mailikkut: Henh@nanoq.gl Oqarasuaatikkut: 345191