- Nakorsamut piffissamik pisinnaannginnermut peqqutit assigiinngitsuupput. Ukiaanerani sulisussakinneq ajornartorsiutigisimavarput, tamannalu maannakkumut suli aamma malugaarput. Juullillu inissisimanera peqqutaalluni juullip ukiortaallu akornanni piffissanik tunniussisinnaanngilagut, taama oqarpoq nakorsaaneq Jesper Olesen.

Nakorsiarfimminngaanniit maannakkumut januaarimut piffissanik tunniussuisoqaleriissagaluarpat, misilittakkat aallaa-vigalugit takkutinngitsoortussat arlaqassapput. Tamanna pinaveersaartinniarlugu aatsaat piffissanik tunniussisin-naanngussaagut januaarip aappaat 2019. Oqaatigissavarputtaaq nappaatit nukingernanngitsut nakorsiunniarnerannut nalinginnaasoq ullut 14-it tikillugit utaqqisoqartarsinnaanera.

- Nalinginnaavoq assersuutigalugu siffialunneq nakorsiunniartillugu ullut 14-it tikillugit utaqqisoqartarsinnaanera. Ullukimmut pisup immikkuullarissup peqqutigiinnarpaa juullip inissisimanera aammalu ukiortaap aallarti-laarneranut piffissanik tunniussisoqareersimanera. Taamaattumik nakorsiat sapaatip akunneri 3-4-sut uta-qqisussanngoreerlutik Jesper Olesen nassuiaavoq.

Nakorsap oqarasuaataata innuttaasunut pingaaruteqassusaa
Nakorsap oqarasuaataa pisarneq malillugu ulluinnarni, imaappoq decembarip 27-at 28-allu ilanngullugu sianerfigi-neqarsinnaavoq, kiisalu inuttaasut Peqqinnissaqarfimmut pinartoqartillugu saaffiginnissinnaajuaannarlutik.

- Pisoq nakorsiartarfimmi kiffartuussissutaasartunut kingunerlutsinneqannginnissaa anguniarlugu sulisut sulip-put Jesper Olesen naggasiivoq.

Sukumiinerusumik paasissutissat
Tusagassiuutinut nalunaarut pillugu sukumiinerusumik paasisaqarusukkuit aqutsisoqarfimmi pisortaq, Malene Marie Nielsen mailimut mamn@peqqik.gl –imut saaffigineqarsinnaavoq.