Nunani avannarlerni killerni peqqissutsikkut suleqatigiinneq ineriartortittariaqarpoq annertusillunilu
Nunani avannarlerni killerni peqqissutsimut naalakkersuisut Svandís Svavarsdóttir, Island, Sirid Stenberg, Savalimmiut aamma Doris J. Jensen, Kalaallit Nunaat naalakkersuisutut ukiumoortumik Reykjavik-imi ataatsimiipput.
Naalakkersuisut ullumi naapipput peqqinnissaqarfinni aaqqissuussaanermi unamminartut siunissamilu takorluukkatik ilisimatitsissutigalugit.
Doris J. Jensen nunani avannarlerniittullu suleqatigiinnerat annertusiniarlugu suliniuteqarpoq.
–Innuttaasunik sullissinermi atorfinititsiniarnermilu nammineq peqqinnissaqarfitsinni unamminartut amerlareertigisut pisariaqarpoq peqqinnissaq pillugu suleqatigiinnissamut periarfissaasinnaasut atorluarnissai, taama oqapoq Peqqissutsimut Ilisimatusarnermullu Naalakkersuisoq.
Oqaluuserisassani ilaatigut ilaavoq telemedicin, tassani Kalaallit Nunaat telemedicinimik ineriartorluarnikumik saqqummiussilluni nunani avannarlerni killerni isumassarsisitsilluarluni.
Kalaallit Nunaat Islandillu suleqatigiinneranut atatillugu peqqinnissakkut sullissinermut isumaqatigiissut nutarsarneqarpoq ataatsimiinnermilu isumaqatigiissut atsiorneqarluni.
- Ineriartorneq peqqissutsikkullu annertunerusumik suleqatigiinnerup nutarsaanissamik pisariaqartitsisoqalerneranik kinguneqarpoq, pingaartumik Island-ilu suleqatigiinneq oqilisarniarlugu, taama oqarpoq Doris J. Jensen.
Paasissutissat sukumiinerusut naalakkersuisup allataa Rosa Thorsen rosat@nanoq.gl +299 553303 pissarsiarineqarsinnaapput.