Dronning Ingridip Napparsimmavissuani aasaanerani nakorsaasarneq pillugu paasissutissiissut
Aasaq manna Dronning Ingridip Napparsimmavissuanut sulisussarsiniarneq immikkut ittumik ajornartorsiutaavoq. Pi-latsittunut immikkoortortani uninngavinni K1-imi K2-milu kiisalu pinasuagassanut immikkoortumi peruluttunut immik-kullu nakkutigisarialinnut immikkoortortani peqqissaasutut atorfiit ilaat inuttaqanngillat. Tamatuma kingunerisaanik ju-unip qeqqaniit aggustip tungaanut siniffinnik uninngavissanik matusisoqartariaqarpoq.
- Tamaviaarluta immikkoortortanut sulisussarsiniaraluarpugut ajoraluartumilli tamanna ajornarsimavoq, pilatsit-tunut immikkoortortami nakorsaanertut pisortaq Knud Erik Kleist oqarpoq.
Feeriarnerulli nalaani juulip aallaqaataaniit aggustip qeqqata tungaanut Napparsimmavissuarmi immikkoortortani sul-lissisinnaassutsikkut nalimmassaasarneq tamatumalu nassatarisaanik ass. pilatsittussatut pilersarutaasunik agge-saasoqatanginnera pinasuartariaannaalli navianaatilinnillu nappaatillit kisimik suliarineqartarnerat nakorsaanertut pisortap erseqqissarpaa.
Napparsimasunut sunniutaa
Sulisut pissutsit nalinginnaasumik immikkoortortani kiffartuussinermut sunniutinnginnissaat sapinngisartik tamaat suli-niutigaat pisariaqalissappalli napparsimasut pinasurtariallit ilaat Islandimut Danmarkimulluunniit nuunneqartariaqartas-sapput. Kingunerisinnaasaa alla tassaasinnaavoq unittussat sivisunerusumik utaqqisariaqalernerat.
- Pisoq ajoraluartumik piffissami sivisuumi ilisimasatsinnik erseqqissaaneruvoq: Napparsimasuutitta nakor-sarneqarlutillu paaqqutarineqarnissaannut qulakkeerinissamut, Ilinniarsimasut maani ikippallaarput ikippallaallu Kalaallit Nunaannik Peqqinnissaqarfimmillu soqutiginnipput, Aqutsisoqarfiup pisortaa Malene Marie Nielsen oqarpoq.
Napparsimmavissuarmut sulisussarsiniarnerup suli ingerlanneqarnera nalinginnaasumillu aalaakkaasunik sulisoqar-nissap sulisussarsiortarnerullu suliniutaanerat, Aqutsisoqarfiup pisortaata nassuiaatigaa.
- Pikkorissarnernut qaffasinnerusumillu ilinniaqqinnernut tunngatillugu ilinniagaqassutsikkullu oqalliffiusuni naa-pertuuttuni tamani ass. atuagassiani saqqummersitsinernilu takussaanitsigut suliffittut kajungernartuunissarput sapinngisarput tamaat suliniutigaarput. Danmarkimi napparsimmaviit arlallit suleqatigaagut ass. napparsim-mavimmi sulisut arlallit atorfimmik ataatsimik avitseqatigiisinnaanerat. Sulisussarsiniarnermut siunnersor-teqarpugut Peqqinnissaqarfiup pilerisaarutiginissaa qulakkeerniaannarnagu aammali suliunnaalernermi nalilii-nernik malitseqartitsinissamut il.il. tunngatillugu. Taamaalilluta suliffittut ilisimasaqarfiginerulerumalluta pisari-alinnillu pitsanngorsaasinnaanngorluta, Aqutsisoqarfiup pisortaa naggasiivoq.
Nuna tamakkerlugu Peqqinnissaqarfimmi peqqissaasut 300-it missaat pisariaqartinneqarput. Nunatsinni ukiumut qulit missaat naammassisarput. Kalaallit Nunaanni peqqissaasutut sulissagaanni Nunani Avannarlerni (qallunaatut, sven-skisut imal. norskisut) imal. kalaallisut peqqissaasutut sulisinnaatitaanermut uppernarsaammik peqartariaqarpoq.
Paasissutissat sukumiinerusut
Tusagassiorfinnut nalunaarut pillugu sukumiinerusumik pasissutissinneqassagaanni saaffigisassaq tassaavoq Aqutsi-soqarfiup pisortaa Malene Marie Nielsen: mamn@peqqik.gl