Nuna tamakkerlugu kigutigissarnermut ullorititaq 2018 – Kigutit eqqiluitsut putoqalersanngillat
Nuna tamakkerlugu kigutigissarnermut ullorititaasup aqqaneq aappassaanik ingerlanneqarnissaanut ukioq manna pisarnertut nuna tamakkerlugu pisussarpassuit pilersaarusiorneqarput.
Ukioq manna kigutigissartarnerup pingaaruteqassusaa qitiutinneqarpoq. Taamaammat nunatsinni atuarfinni paaqqinnittarfinnilu tamani maajip ulluisa 24-anni nal. 9.30 kigutigissartoqassaaq.
- Aaqqissuussinermi meeqqat qarngisa eqqiluitsuutinnissaat qitiutipparput. Nuannisarnissaq ataatsimoorussinissarlu pineqarput, taamaakkaluarli aamma annertuumik ilungersunartortaqarpoq. Taamaammat meeqqani angajoqqaanilu kigutigissarnermi pitsaasunik ileqqoqalernissaq anguniarlugu kigutigissarneq qitiutipparput, kigutit nakorsaasa qullersaat Lone Mahnfeldt nassuiaavoq.
Kigutigissarnermut ullorititaasoq ukiumut ataasiarluni ingerlanneqartarpoq sammisallu tamarmik illoqarfinni nunaqarfinnilu paaqqinnittarfinni/atuarfinni kigutigissaanermik suliaqartut qanimut suleqatigiinnerisigut ingerlanneqartarpoq. Kigutileriviit ilaanni aaqqissuussineq atuarfiit anitsiartarfiini ingerlanneqassaaq, allani atuarfiit inersuini atuartitsiviunngitsuni imal. illorqarfiup ilaani allarluinnarmi, soorlu Narsami illoqarfiup qeqqani tasinnguup eqqaani ingerlanneqassalluni.
KIGUTIT INUUNEQ TAMAAT ATASUSSAAPPUT!
• Ullaakkut unnukkullu kigutitit salilluartakkit
• Meeqqat qulinik ukioqalernissaata tungaanut kigutigissarnerani ikiortaruk
• Kigutit qaqorsaataat fluoreqarneq - ajornanngippat 1450 ppm-imik fluoritalik atortaruk
• Ulluinnarni mamakujuit, sodandit saftilu unitsikkit
Attavissaq
Kigutilerisut qullersaat e-mail: sundhedsledelsen@peqqik.gl.