17. november 2017 inatsisartut imigassaq pillugu inatsit akueraat. Inatsisartut inatsisaat malillugu pisiniarfinni imigassat aalakoornartortallit pisiassanit allanit assiaqusersorneqassapput. 

Inatsisartut inatsisaat 1. marts 2018 atuutilissaaq, tamatumalu kingorna inatsimmi aalajangersakkat malinneqassallutik. Tassa imaappoq pisiniarfinni imigassamik assersuinissamut piumasaqaat 1. marts 2018 aallarnerfigalugu atuutilissaaq.

Assiaqusersuinermut aalajangersakkami Naalakkersuisut periarfissaqarput assersuinissamut imigassallu pisiniarfimmi inissisimanissaanik sukumiinerusumik maleruagassaliornissamik. Piginnaatitaaneq tamanna Naalakkersuisut atorpaat. 

Nalunaarusiami februar aappaanut tusarniaavigineqartumut Naalakkersuisut pisiniarfiit imigassanik aalakoornartortalinnik qanoq assiaqusersuinissaanut sukumiinerusumik piumasaqaateqarput. Nalunaarusiaq tamanna 1. januar 2019-mi atuutilissaaq, taassuma kingorna nalunaarusiami piumasaqaatit pisiniarfiit eqquutitissavaat. 

Nalunaarusiap atuutilersinneqarnera 1. januar 2019-mut aalajangiunneqarpoq, taamaasilluni pisiniarfiit tamarmik nalunaarusiami assiaqusersuinermut imigassallu aalakoornartortallit inissisimaffissaannut nalunaarusiami piumasaqaatit piareersarnissaanut piffissaqarluarniassammata.

Inatsisip 1. marts 2018-mi atuutilerfianiit nalunaarusiallu 1. januar 2019-mi atuutilernissaata tungaanut pisiniarfiit namminneq aalajangissavaat imigassat qanoq assiaqusersornissaanut taamaasillutik pisinianut takussaanngitsuutillugit.

Paasissutissat allat piniarneqarsinnaapput naalakkersuisumut allatsimut Nauja Møller oqarasuaat +299 58 26 54 imaluunniit e-mail: nmoe@nanoq.gl aqqutigalugu.