Kunngit pingasut ulluanni sassaalliuteqarfinni ammasarfiit
Imigassaq pillugu inatsit nutaaq 1. marts 2018 atuutilissaaq. Taassuma tungaanut inatsit maanna atuuttoq malinneqassaaq, aamma tamanna atuuppoq sassaalliuteqarfinni kunngit pingasut ulluanni ammasarfii pillugit. Uani takusinnaavat sapaatip akunnerata naanerata ulluini 5.-6. Januar 2018-mi maleruagassat suut atuunnersut.
Ulloq Ammasarfiit
Tallimanngorneq ulloq 5. januar 2018 12.00 - 24.00
Arfininngorneq ulloq 6. januar 2018 18.00 – 03.00
Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisaat nr. 11, 11. November 2000-imeersoq tunngavigalugu sassaallertarfinni kunngit pingasut ulluanni ammasarfiit pillugit ilisimaneqarnissaa qulakkeerniarlugu Peqqissutsimut Naalakkersuisoqarfik ilisimatitsissummik suliaqarpoq.
Inatsisartut inatsisaat nr. 11, 11. november 2000-imeersoq
inatsisit.gl-imi atuarneqarsinnaavoq.
Paasissutissanik amerlanerusunik pissarserusukkuit naalakkersuisumut allatsi Nauja Møller oqarasuaat +299 58 26 54 imaluunniit e-mail: nmoe@nanoq.gl attavigineqarsinnaavoq.