Qanorooq-mi imigassaq aalakoornartortalik pillugu ilanngutassiamut naqqiut
Imigassaq aalakoornartortalik pillugu inatsisissatut siunnersuummut Brugsenip Pisiffiullu Naalakkersuisunut akerliullutik ulloq 3. november Qanorooq-mi eqqartorneqarpoq. Ajoraluartumik ilanngutassiaq arlalinnik kukkuneqarpoq Peqqissutsimut Naalakkersuisoqarfiup naqqikkusutaanik.
Ilanngutassiami ersersinneqarpoq imigassaq aalakoornartortalik pisiniarfiit ininik immikkoortunik assiaqusersuissasut. Tamannali eqqunngilaq. Inatsisissatut siunnersuut naapertorlugu pisiniarfiup nammineq aalajangissavaa, imigassaq aalakoornartortalik pisiassanut allanut qanoq assiaqutsernissaanut piumasaqaat, qanoq naammassissanerlugu.
Ilanngutassiami aamma eqqaneqarpoq inatsisissatut siunnersuummi imigassamut aalakoornartortalimmut neqerooruteqarneq inerteqqutaalissasoq. Tamanna eqqunngilaq. Neqerooruteqarnissamut inerteqquteqarnermut siunnersuut Inatsisartut ukiaanerani ataatsimiinnissaq sioqqullugu inatsisissatut siunnersuummi peerneqarpoq.
Peqqissutsimut Naalakkersuisoqarfik qulaani eqqartorneqartut Qanorooq-mi tulliuttumi naqqiuteqarnissaanut qilanaarput.
Paasisaqarnerorusukkuit naalakkersuisumut allatsi Nauja Møller oqarasuaat: +299 58 26 54 imaluunniit e-mail: nmoe@nanoq.gl-kkut attavigineqarsinnaavoq