Assi: Leiff Josefsen

Ukioq manna tamanna pissaaq Ilimmarfimmi. Tamanna unnuk nuannivissumik ingerlanneqassaaq, Maren-Louise Poulsen aamma Angajo Lennert Sandgreen ammaasuussallutik. Unnuullu ingerlanerani aliikkusersuinertalimik, pissanganarluinnartunillu pisoqartassalluni. Unnuk  unnussiuaarfik akunnernik marlunnik ingerlanneqassaaq, tamannalu KNR-ikkut toqqaannaq takutinneqassalluni.

Unnuup ingerlanerani arfineq marlunnik nersornaasoqassaaq. Peqqissutsimik Naalakkersuisoqarfik unammisitsinerminni, Atuarfik eqeersimaartoq, Suliffik eqeersimaartoq inuiaqatigiinnilu eqeersimaartutut ajugaasimasut nersorniassallugit.

Kalaallit nunaanni timersortartut kattufiat Faxe Kondi suleqatigalugu nersornaaniarpoq. Tassanilu nersorniarneqassapput Ukiumi sungiusaallammak aamma Ukiumi aquttuullammak saniatigullu Elite Sport Ukiumut timersullammak nersornarniassavaat. Nersornaaniaanerup saniatigut akunniliilaartoqartarumaarpoq aliikkusersuisunik, soorlu Qijajuk, Kim aama Katsi, Angu allarpassuillu.

Unnuup ingerlanerani aamma allarpassuarnik pisoqartarumaarpoq. Soorlu GIF-ip aamma Pisiffiup kiliortakkamik ajugaaniaatsitsineranni makitsisoqarumaarluni, SMS-ikkut ajugaaniunnermi IPhone-q Pisiffimmiit tapiutaasoq aamma Grønlands Rejsebureau-miit angalasinnaanermut tapiutaasoq 10.000 kr-nik nalilik pissarsiassaassallutik. Kiliortugassanik tunisinermi sinneruttut sineriammi timersoqatigiinnut tapiutaajumaarput.

KNR-ip toqqaannaq isiginnaartitsinerani November-ip 4-raani 2017 nal. 19-imiit 21-ip tungaanut isiginnaaqataaniarisi.

Allamik paasisaqarnerorusukkuit uunga tuttaqarsinnaavutit:

Peqqissutsimut Naalakkersuisoqarfik: Siunnersorti Kista Hammeken Lennert, 34 51 13 imalunnit khle@nanoq.gl 

GIF/ESG: Siunnersorti Christina Tønder Bell, 34 81 53 imalunnit christina@gif.gl