Ittoqqortoormiuni napparsimasut Islandimut Danmarkimullu misissortikkiartorlutillu katsorsartikkiartortalernissaat
Ittoqqortoormiuni napparsimasut siunissami Islandimut Danmarkimulluunniit misissortikkiartorlutillu katsorsartikkiartortalissapput. Maanna periutsimut tassa Napparsimasut Nuummi Dronning Ingridip Napparsimmavissuanut angallanneqartarnerannut sanilliullugu napparsimasut siunissami pilertornerusumik katsorsarneqarlutillu peqqinnissakkut pitsaanerusumik sullinneqartalissapput.
Ittoqqortoormiuni napparsimasunut katsorsartinnissamik misissortinnissamillu neqeroorutit allannguuteqassanngillat, taamaallaalli nakorsanit Islandimeersunit Danmarkimeersunilluunniit sullinneqalissallutik. Aammattaaq napparsimasut kissaatigippassuk kalaallisut nutserisoqarsinnaapput. Islandimi ataqatigiissaarisoq nunatsinneersoq Danmarkimi Kalaallit Peqqissartut Angerlarsimaffianni pissutsit assigalugit assersuutigalugu unikkiartorluni aamma/imaluunniit uninngareernermi najugaqarnermut tunngasutigut pilersaarusioqataasassaaq.
Nunatsinni Peqqinnissaqarfiup Islandimi peqqinnissaqarfik 2009-mili suleqatigiinnissamik isumaqatigiissuteqarfigaa. Isumaqatigiissut ukiuni kingullerni annertusarneqarpoq aalajangersarneqarlunilu, taamaalillunilu aaqqiissut manna tamatuma pissusissamisoortumik ilagalugu.
Paasisaqarnerorusuttut attavigisinnaavaat Naalakkersuisoqarfimmi pisortaq Tine Pars, oqarasuaat: +299 34 66 25 imaluunniit e-mailikkut: tine@nanoq.gl